- Къыз тиширыу кеси юйюнде да къонакъды.
- Тулпарлыкъ, билекден тюл – джюрекден.
- Ишге юренсин къоллары, халкъ бла болсун джоллары.
- Аджашханны ызындагъы кёреди, джангылгъанны джанындагъы биледи.
- Тойгъан джерден туугъан джер игиди.
- Ач келгенни – тойдур, кеч келгенни – къондур.
- Бал ашаргъа сюе эсенг, чибин ургъаннга тёз.
- Ким бла джюрюсенг, аны кёзю бла кёрюнюрсе.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Термилгенинги табмазса, кюлгенинге тюберсе.
- Чакъырылмагъан къонакъ къачан кетерин сормаз.
- Суу да къайтады чыкъгъан джерине.
- Кесинге джетмегенни, кёб сёлешме.
- Эли джокъну – кёлю джокъ.
- Магъанасыз сёз – тауушсуз сыбызгъы.
- Намыс болмагъан джерде, насыб болмаз.
- Адамны бетине къарама, адетине къара.
- Чомартны къолун джокълукъ байлар.
- Чарсда алчыны эл кёреди.
- Уясында не кёрсе, учханында аны этер.
- Мал кёб болса, джууукъ кёб болур.
- Чабакъ башындан чирийди.
- Атлыны кёрсе, джаяуну буту талыр.
- Накъырданы арты керти болур.
- Къуллукъчума, деб махтанма, къуллукъ – хаух джамчыды!
- Джашынгы кесинг юретмесенг, джашау юретир.
- Тыш элде солтан болгъандан эсе, кесинги элде олтан болгъан игиди!
- Мен да «сен», дейме, сен да «кесим», дейсе.
- Къонакъ кёб келюучю юйню, къазаны отдан тюшмез.
- Къайгъы тюбю – тенгиз.
- Хар зат кесини орнуна иги.
- Арыгъан къош чамчы болур.
- Бир абыннган – минг сюрюнюр.
- Элде адам къалмаса, ит тахтагъа минер.
- Къралынгы – душмандан, башынгы от бла суудан сакъла.
- Дуния аламаты сен эсенг да, игиме деб айтма.
- Накъырда – кертини келечиси.
- Къолунгдан къуймакъ ашатсанг да, атаны борчундан къутулмазса.
- Чёбню кёлтюрсенг, тюбюнден сёз чыгъар.
- Айыбны суу бла джууалмазса.
- Кёрмегеннге кебек – танг, битмегеннге сакъал – танг.
- Гугурук къычырмаса да, тангны атары къалмаз.
- Джуртун къоругъан озар.
- Тойчу джашха къарама, къойчу джашха къара.
- Тил бла келеди джыр да.
- Игиге айтсанг – билир, аманнга айтсанг – кюлюр.
- Арбаз сайлама да, хоншу сайла.
- Мал ёлсе, сюек къалыр, адам ёлсе, иши къалыр.
- Юй кюйдю да, кюйюз чыкъды, ортасындан тюйюш чыкъды.
- Къайгъыны сюйген, къайгъы табар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72