- Накъырда – кертини келечиси.
- Чомарт къолда мал къалмаз.
- Эл элде бирер малынг болгъандан эсе, бирер тенгинг болсун.
- Урама да – ёледи, сатама да – келеди.
- Эл ауузу – элек, анга ийнаннган – халек.
- Тойгъа барсанг, тоюб бар, эски тонунгу къоюб бар.
- Сабыр джетер муратха, сабырсыз къалыр уятха.
- Джашда акъыл джокъ, къартда къарыу джокъ.
- Ишни ахырын ойламай, аллын башлама.
- Айныгъанлы алты кюн, тогъайгъанлы тогъуз кюн.
- Ашаса, ашамаса да, бёрюню ауузу – къан.
- Ач къалгъандан, кеч къалгъан къолай.
- Чомартны къолун джокълукъ байлар.
- Этим кетсе да, сюегим къалыр.
- Рысхы – насыбха къор.
- Тилсиз миллет джокъ болур.
- Мал кёб болса, джууукъ кёб болур.
- Къозулугъунда тоймагъан, къойлугъунда тоймаз.
- Мадар болса, къадар болур.
- Харам къарнашдан, халал тенг ашхы.
- Тёрени джагъы джокъ.
- Акъыл къартда, джашда тюйюлдю – башдады.
- Къарт айтханны этмеген, къартаймаз.
- Къартны сыйын кёрмеген, къартлыгъында сыйлы болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Алма терегинден кери кетмез.
- Аш хазыр болса, иш харам болур.
- Биреуню эскиси биреуге джангы болмайды.
- Тойну къарнашы – харс, джырны къарнашы – эжиу.
- Айырылмаз джууугъунга, унутмаз сёзню айтма.
- Минг тенг да азды, бир джау да кёбдю.
- Къумурсхала джыйылсала, пилни да джыгъадыла.
- Накъырданы арты керти болур.
- Эки къатын алгъан – эки ташны ортасына башын салгъан.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Хоншуну тауугъу къаз кёрюнюр, келини къыз кёрюнюр.
- Ауругъанны сау билмез, ач къарынны токъ билмез.
- Бети къызарыучу адамны, джюреги харам болмаз.
- Джигер – джаннга къыйынлыкъ.
- Кюн – узун, ёмюр – къысха.
- Тамбла алтындан бюгюн багъыр ашхы.
- Бет бетге къараса, бет да джерге къарар.
- Тёзгеннге, джабылгъан эшик ачылыр.
- Ауругъан – джашаудан умутчу.
- Къарнынг тойгъунчу аша да, белинг талгъынчы ишле.
- Элге къуллукъ этмеген, элге ие болмаз.
- Ач отунчуну ачыуу – бурнунда.
- Джарлы эскисин джамаса, къууаныр.
- Къазанны башы ачыкъ болса, итге уят керекди.
- Ёпкелегенни ашы татлы болады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72