- Тойгъанлыкъ къойгъа джарашады.
- Арыгъан къош чамчы болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Ойнай билмеген, оюн бузар.
- Джарашыу сюйген – джалынчакъ.
- Чакъырылмагъан къонакъ къачан кетерин сормаз.
- Уллу сёзде уят джокъ.
- Огъурлуну сёзю – суу, огъурсузну сёзю – уу.
- Къайтырыкъ эшигинги, къаты уруб чыкъма.
- Акъыллы – эл иеси, тели – эл баласы.
- Бал ашаргъа сюе эсенг, чибин ургъаннга тёз.
- Чомарт къолда мал къалмаз.
- Игилик игилик бла сингдирилиучю затды.
- Акъыл бла адеб эгизледиле.
- Кенгеш болса, уруш болмаз.
- Тыш элде солтан болгъандан эсе, кесинги элде олтан болгъан игиди!
- Джолунга кёре – джюрюшюнг, джагъанга кёре – юлюшюнг.
- Босагъагъа джууукъ орун болса, ашыгъыб тёрге озма.
- Къуллукъчума, деб махтанма, къуллукъ – хаух джамчыды!
- Ач да бол, токъ да бол – намысынга бек бол.
- Хар сёзню орну барды.
- Сангырау къулакъ эл бузар.
- Бети къызарыучу адамны, джюреги харам болмаз.
- Аманны тукъумуна къарама, игини тукъумун сорма.
- Ашхы тенг джолгъа салыр, аман тенг джолдан тайдырыр.
- Аман адам этегингден тутса, кес да къач.
- Аурууну келиую тынч, кетиую – къыйын.
- Насыб бютеу халкъны юлюшюдю.
- Мен да «сен», дейме, сен да «кесим», дейсе.
- Намыс болмагъан джерде, насыб болмаз.
- Аууздан келген, къолдан келсе, ким да патчах болур эди.
- Алма терегинден кери кетмез.
- Эли джокъну – кёлю джокъ.
- Ёксюзню къалачы уллу кёрюнюр.
- Таугъа чыгъаллыкъ эсенг, тюзде къалма.
- Онгсузну – джакъла, тенгликни – сакъла.
- Башынга джетмегенни сорма.
- Акъыл сабырлыкъ берир.
- Чакъырылгъанны аты, чакъырылмагъанны багъасы болур.
- Аз сёлеш, кёб ишле.
- Орну джокъну – сыйы джокъ.
- Татлы сёз – балдан татлы.
- Чакъырылмай келген къонакъ сыйланмай кетер.
- Сютню башын джалагъан къутулур, тюбюн ичген тутулур.
- Кёлю джокъну – джолу джокъ.
- Айтылгъан сёз ызына къайтмаз.
- Къар – келтирди, суу – элтди.
- Аджашханны ызындагъы кёреди, джангылгъанны джанындагъы биледи.
- Джарлыны тону джаз битер.
- Ишни ахырын ойламай, аллын башлама.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72