- Биреуге аманлыкъны тилеме да, кесинге ашхылыкъны тиле.
- Урама да – ёледи, сатама да – келеди.
- Намысы болмагъанны, сыйы болмаз.
- Хазыр ашха – терен къашыкъ.
- Джырчы ёлсе, джыры къалыр.
- Олтуруб кёрюнмей эди да, ёрге туруб кёрюне эди.
- Уруну арты – къуру.
- Джети тилни билген джети кишиди.
- Аз айтсам, кёб ангылагъыз.
- Ашха уста, юйюнде болсун
- Ашхылыкъ джерде джатмайды, аманлыкъ суугъа батмайды.
- Ашхы – джыяр, аман – джояр.
- Ашлыкъны арба юйге келтирир, чана базаргъа элтир.
- Сакъламагъан затынга джолукъсанг, не бек къууанаса, не бек ачыйса.
- Эки элинги тыйсанг, джети элде махталырса.
- Ач къалгъандан, кеч къалгъан къолай.
- Айтханы чапыракъдан ётмеген.
- Уллу атлама – абынырса, уллу къабма – къарылырса.
- Адамны аманы адамны бети бла ойнар.
- Босагъа таш юйге кирмей эди, тыбыр таш эшикге чыкъмай эди.
- Адам къыйынлыгъын кёлтюрюр, зауукълугъун кёлтюрмез.
- Келгинчи, къонакъ уялыр, келгенден сора, къонакъбай уялыр.
- Экеу тутушса, биреу джыгъылыр.
- Къарыусузгъа кюлме, онгсузгъа тийме.
- Аманнга игилик этсенг, юйюнге сау бармазса.
- Ашхы адам – халкъ байлыгъы, ашхы джер – джашау байлыгъы.
- Хантына кёре тузу, юйюне кёре къызы.
- Ат басханны джер билед.
- Ётюрюкден тюбю джокъ, кёлтюрюрге джиби джокъ.
- Джашлыкъ этмеген, башлыкъ этмез.
- Ойнай-ойнай кёз чыгъар.
- Къолунгдан къуймакъ ашатсанг да, атаны борчундан къутулмазса.
- Ашыкъгъан cуу, тенгизге джетмез.
- Чомартны къолу берекет.
- Телиге от эт десенг, юйюнге от салыр.
- Таякъ этден ётер, тил сюекден ётер.
- Махтаннган къыз, тойда джукълар.
- Эртде тургъан джылкъычыны эркек аты тай табар.
- Алтыда кюлмеген, алтмышда кюлмез.
- Хар сёзню орну барды.
- Бюгюн дуния кибик, тамбла ахыратды.
- Ким бла джюрюсенг, аны кёзю бла кёрюнюрсе.
- Джангыз терек къынгыр ёсер.
- Термилгенинги табмазса, кюлгенинге тюберсе.
- Билимсиз иш бармаз.
- Намыс сатылыб алынмайды.
- Чабакъ башындан чирийди.
- Юреннген ауруу къалмаз.
- Бёрю да ач къалмасын, эчки да ашалмасын.
- Байдан умут эте, джарлыдан ёгюз багъасы къорады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72