- Кёб къычыргъандан – къоркъма, тынч олтургъандан – къоркъ.
- Иги адамны бир сёзю эки болмаз.
- Ач келгенни – тойдур, кеч келгенни – къондур.
- Аш кетер да бет къалыр.
- Биреуге аманлыкъ этиб, кесинге игилик табмазса.
- Ёпкелегенни ашы татлы болады.
- Таукел адам тау тешер.
- Эртде тургъан бла эртде юйленнген сокъуранмаз.
- Къыз чыгъаргъан – къызыл къымжа.
- Ауругъанны сау билмез, ач къарынны токъ билмез.
- Джашны джигитлиги сорулур, къызны джигерлиги сорулур.
- Хатерли къул болур.
- Адеб этмеген, адеб кёрмез.
- Тюзню ётмеги тюзде къалса да, тас болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Дуния мал дунияда къалады.
- Къарнынг тойгъунчу аша да, белинг талгъынчы ишле.
- Къонагъы джокъну – шоху джокъ.
- Болджал ишни бёрю ашар.
- Эринчекге кюн узун.
- Юй кюйдю да, кюйюз чыкъды, ортасындан тюйюш чыкъды.
- Кимни – тили, тиши онглу, кимни – къолу, иши онглу.
- Джарлыны эшигин махтагъан джабар.
- Джырчы джырчыгъа – къарнаш.
- Ашхы болсанг, атынг чыгъар, аман болсанг, джанынг чыгъар.
- Кёб джат да, бек чаб.
- Эл ауузу – элек, анга ийнаннган – халек.
- Къартны бурнун сюрт да, оноугъа тут.
- Ауурну тюбю бла, дженгилни башы бла джюрюген.
- Бети бедерден, намыс сакълама.
- Алгъанда – джууукъ, бергенде – джау.
- Иесиз малны бёрю ашар.
- Алма терегинден кери кетмез.
- Ойнаб айтсанг да, эслеб айт.
- Тешигини къатында, чычхан да батыр болур.
- Байны къызы баймакъ болса да, юйде къалмаз!
- Бир онгсуз адам адет чыгъарды, деб эштирик тюлсе.
- Акъыллы башны – тили къысха.
- Джол бла сёзню къыйыры джокъ.
- Айран тёгюлсе, джугъусу къалыр.
- Ана къойну – балагъа джандет.
- Тенгинг джокъ эсе – изле, бар эсе – сакъла!
- Ёлген ийнек сютлю болур.
- Адебсиз адам – джюгенсиз ат.
- Къарт айтханны этмеген, къартаймаз.
- Ышармагъан – кюлмез, кюлмеген – къууанчны билмез.
- Тёзгеннге, джабылгъан эшик ачылыр.
- Къоркъакъны кёзю экили кёрюр.
- Чомарт джарлы болмаз.
- Ёлюк кебинсиз къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72