- Шайтан алдады, тюзлюк къаргъады.
- Азыкъ аз болса, эртде орун сал.
- Атынг аманнга чыкъгъандан эсе, джанынг тамагъынгдан чыкъсын.
- Къыз тиширыу кеси юйюнде да къонакъды.
- Кеси юйюмде мен да ханма.
- Айтылгъан сёз ызына къайтмаз.
- Аз сёлешген, къайгъысыз турур.
- Элде адам къалмаса, ит тахтагъа минер.
- Агъач – джерни чырайы, кийим – эрни чырайы.
- Чомартха хар кюн да байрамды.
- Тынгылагъан тынгы бузар.
- Къыйынлы джети элге оноу этер.
- Кёлсюзден сёзсюз тууар.
- Сангырау къулакъ эл бузар.
- Сабий кёргенин унутмаз.
- Иесиз малны бёрю ашар.
- Телиге акъыл салгъандан эсе, ёлгеннге джан салырса.
- Джети тилни билген джети кишиди.
- Ишин билген, аны сыйын чыгъарады.
- Чёбню кёлтюрсенг, тюбюнден сёз чыгъар.
- Тешик этген тынчды, аны джамагъан къыйынды.
- Ашда уялгъан – мухар, ишде уялгъан – хомух.
- Кёз – сюйген джерде, къол – ауругъан джерде.
- Айран тёгюлсе, джугъусу къалыр.
- Ётюрюкню башын керти кесер.
- Ишлегенде эринме, ишде чолакъ кёрюнме.
- Адеб этмеген, адеб кёрмез.
- Иги сеники эсе да, сюйген кесимикин этеме.
- Таякъ этден ётер, тил сюекден ётер.
- Сабыр джетер муратха, сабырсыз къалыр уятха.
- Тамбла алтындан бюгюн багъыр ашхы.
- Къыйынлы джети элни къайгъысын этер.
- Ёпкелегенни ашы татлы болады.
- Ач – эснер, ат – кишнер.
- Аман къатын алгъан, арыр, иги къатын алгъан джарыр.
- Къайтырыкъ эшигинги, къаты уруб чыкъма.
- Кюлме джашха – келир башха.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къонакъ кёб келюучю юйню, къазаны отдан тюшмез.
- Ата джурт – алтын бешик.
- Ашарыкъда сайлагъаннга – чий гырджын.
- Рысхы – сют юсюнде кёмюк кибикди.
- Келинин тута билмеген, къул этер, къызын тута билмеген, тул этер.
- Нёгерсизни джолу узун.
- Джахил болса анасы, не билликди баласы?
- Таш ата билмеген, башына урур.
- Сёз – кюмюш, джыр – алтын.
- Аллахдан тилесенг, кёб тиле.
- Ашхы адам – халкъ байлыгъы, ашхы джер – джашау байлыгъы.
- Кенгеш болса, уруш болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72