- Махтаннган къыз, тойда джукълар.
- Абынмазлыкъ аякъ джокъ, джангылмазлыкъ джаякъ джокъ.
- Тёзгеннге, джабылгъан эшик ачылыр.
- Ышармагъан – кюлмез, кюлмеген – къууанчны билмез.
- Булут кёкге джарашыу, уят бетге джарашыу.
- Орну джокъну – сыйы джокъ.
- Джаш болсун, къыз болсун, акъылы, саны тюз болсун.
- Минг тенг да азды, бир джау да кёбдю.
- Тёрдеги кюлсе, эшикдеги ышарыр.
- Нарт сёз къарт болмаз.
- Берекет берсин деген джерде, берекет болур.
- Адамны сыфатына къарама, сёзюне къара.
- Шекер бла туз – бир болмаз, ушамагъан – юй болмаз.
- Баргъанынга кёре болур келгенинг.
- Иги джашны ышаны – аз сёлешиб, кёб тынгылар.
- Уллу суу бла уллу ауруудан башынгы сакъла.
- Башы ишлегенни, ауузу да ишлер.
- Халкъны юйю – туугъан джери.
- Тюзню ётмеги тюзде къалса да, тас болмаз.
- Къызгъанчдан ычхыныр, мухардан ычхынмаз.
- Биреуню эскиси биреуге джангы болмайды.
- Къызны минг тилер, бир алыр.
- Аш хазыр болса, иш харам болур.
- Эски джаугъа ышанма.
- Аманны тукъумуна къарама, игини тукъумун сорма.
- Адамны адамлыгъы къыйынлыкъда айгъакъланады.
- Къралынгы – душмандан, башынгы от бла суудан сакъла.
- Мухардан ач ычхынмаз.
- Игилик игилик бла сингдирилиучю затды.
- Эрни эр этерик да, къара джер этерик да, тиширыуду.
- Джылар джаш, атасыны сакъалы бла ойнар.
- Тёрде – темир таякълы, къаяда – чыпчыкъ аякълы.
- Иесиз малны бёрю ашар.
- Чабар ат – джетген къыз.
- Ауузу аманнга «иги», деме.
- Къууут – джелге, берне – бошха.
- Тойгъан антын унутур.
- Ана къойну – балагъа джандет.
- Сагъышы джокъ – джукъучу, акъылы джокъ – къаугъачы.
- Артына баргъанны, къатына барма.
- Юйюнг бла джау болгъандан эсе, элинг бла джау бол.
- Билим къая тешер.
- Садакъачыны джаны – къапчыгъында.
- Байлыкъ болгъан джерде, тынчлыкъ джокъду.
- Ата Джуртча джер болмаз, туугъан элча эл болмаз.
- Эки къатын алгъанны къулагъы тынгнгаймаз.
- Чакъырылмагъан къонакъ къачан кетерин сормаз.
- Башланнган иш битер, къымылдагъан тиш тюшер.
- Къызын тута билмеген, тул этер, джашын тута билмеген, къул этер.
- Аджашхан тёгерек айланыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72