- Босагъагъа джууукъ орун болса, ашыгъыб тёрге озма.
- Биреуню тёрюнден, кесинги эшик артынг игиди.
- Керти сёзге тёре джокъ.
- Къонакъ аз олтурур, кёб сынар.
- Ашатыргъа иш – ашхы, ишлетирге аш – ашхы.
- Ата – баланы уясы.
- Адамны сыфатына къарама, сёзюне къара.
- Чабакъсыз кёлге къармакъ салгъанлыкъгъа, чабакъ тутмазса.
- Элде адам къалмаса, ит тахтагъа минер.
- Сёлеш деб шай берген, тохта деб, сом берген.
- Ауругъан – джашаудан умутчу.
- Кенгеш болса, уруш болмаз.
- Ач уят къоймаз.
- Таула не мийик болсала да, аууш табылыр.
- Джукъу тёшек сайламайды.
- Кёзден кетген, кёлден да кетеди.
- Эртде тургъан бла эртде юйленнген сокъуранмаз.
- Аджалсыз ёлюм болмаз.
- Тилсиз миллет джокъ болур.
- Малны кют, джерни тюрт.
- Тынгылагъан тынгы бузар.
- Кёлсюзден сёзсюз тууар.
- Ичимден чыкъды хата, къайры барайым сата?
- Ариу – кёзге, акъыл – джюрекге.
- Нафысынгы айтханын этме, намысынгы айтханын эт.
- Бек анасы джыламаз.
- Этни да ашады, бетни да ашады.
- Тёрдеги кюлсе, эшикдеги ышарыр.
- Арбаз сайлама да, хоншу сайла.
- Ханнга да келеди хариблик.
- Къыйынлы джети элни къайгъысын этер.
- Мухардан ач ычхынмаз.
- Къошда джокъгъа – юлюш джокъ.
- Хансыз джомакъ болмаз.
- Ариу джол аджал келтирмез.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Нарт сёз къарт болмаз.
- Окъдан джара эртде-кеч болса да бителир, сёз джара, ёмюрге къалыр.
- Баш – акъыл ючюн, акъылман – халкъ ючюн.
- Кёбге таш атма.
- Джаз бир кюнню джатсанг, къыш талай кюнню абынырса.
- Берекет берсин деген джерде, берекет болур.
- Къанны къан бла джуума, аманны аман бла къуума.
- Этек чакъмакълары баш джаргъан, сёлешген сёзлери таш джаргъан.
- Халкъны юйю – туугъан джери.
- Сёз къанатсыз учар.
- Таугъа чыгъаллыкъ эсенг, тюзде къалма.
- Къайгъы тюбю – тенгиз.
- Байны къызы баймакъ болса да, юйде къалмаз!
- Харам къарнашдан, халал тенг ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72