- Тюкюрюк баш джармаз, налат кёз чыгъармаз!
- Ашхылыкъ джерде джатмайды, аманлыкъ суугъа батмайды.
- Тойгъанлыкъ къойгъа джарашады.
- Адеб джокъда, намыс джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Кёб къычыргъандан – къоркъма, тынч олтургъандан – къоркъ.
- Кёз – сюйген джерде, къол – ауругъан джерде.
- Къарнынг ауруса, ауузунгу тый
- Байма, деб да, къууанма, джарлыма, деб да, джылама.
- Къобан да къуру да къобханлай турмайды, адам да къуру да патчахлай турмайды.
- Кёлсюзден сёзсюз тууар.
- Ашлыкъны арба юйге келтирир, чана базаргъа элтир.
- Насыблы элин сюер, насыбсыз кесин сюер.
- Миллетни бойну – базыкъ, аны бла кюрешген – джазыкъ.
- Булут кёкге джарашыу, уят бетге джарашыу.
- Сууда джау джокъ, кёб сёзде магъана джокъ.
- Айныгъанлы алты кюн, тогъайгъанлы тогъуз кюн.
- Аллахха ийнаннган кишини, Аллах онгдурур ишин.
- Джашны джигитлиги сорулур, къызны джигерлиги сорулур.
- Керек ташны ауурлугъу джокъ.
- Этек чакъмакълары баш джаргъан, сёлешген сёзлери таш джаргъан.
- Тамчы таш тешер.
- Биреуню эскиси биреуге джангы болмайды.
- Хантына кёре тузу, юйюне кёре къызы.
- Сабийни джумушха джибер да, ызындан бар.
- Тамбла алтындан бюгюн багъыр ашхы.
- Юй кюйдю да, кюйюз чыкъды, ортасындан тюйюш чыкъды.
- Сёлеш деб шай берген, тохта деб, сом берген.
- Кийиминг бла танылма, адамлыкъ бла таныл.
- Аджаллыгъа окъсуз шкок атылыр.
- Башланнган иш битер, къымылдагъан тиш тюшер.
- Ариу сёзде ауруу джокъ.
- Хатерли къул болур.
- Билгенни къолу къарны джандырыр.
- Ач уят къоймаз.
- Илму – джашауну джолу.
- Кесине оноу эте билмеген, халкъына да эте билмез.
- Тай асырагъан, атха минер.
- Алма терегинден кери кетмез.
- Этни да ашады, бетни да ашады.
- Азыкълы ат арымаз, къатыны аман джарымаз.
- Рысхы джалгъанды: келген да этер, кетген да этер.
- Аз сёлеш, кёб ишле.
- Мухар, кеси тойса да, кёзю тоймаз.
- Тилчиден кери бол.
- Сабий болмагъан джерде, мёлек болмаз.
- Ёлген аслан – сау чычхан.
- Тамырсыз терекге таянма – джыгъылырса.
- Телини эшигин, махтау джабар.
- Аманнга да, игиге да оноусуз къатышма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72