- Ашда – бёрю, ишде – ёлю.
- Ат да турмайды бир териде.
- Джарлы тюеге минсе да, ит къабар.
- Джетген къыз джерли эшекни танымаз.
- Сагъышы джокъ – джукъучу, акъылы джокъ – къаугъачы.
- Аш берме да, къаш бер.
- Уллу атлама – абынырса, уллу къабма – къарылырса.
- Къарнынг бла ёч алма.
- Джырчы ёлсе, джыры къалыр.
- Ашатыргъа иш – ашхы, ишлетирге аш – ашхы.
- Аш хазыр болса, иш харам болур.
- Намысы джокъну – дуниясы джокъ.
- Къызын тута билмеген, тул этер, джашын тута билмеген, къул этер.
- Тилсиз миллет джокъ болур.
- Магъанасыз сёз – тауушсуз сыбызгъы.
- Этим кетсе да, сюегим къалыр.
- Чакъырылмагъан къонакъ къачан кетерин сормаз.
- Тулпарлыкъ, билекден тюл – джюрекден.
- Джылар джаш, атасыны сакъалы бла ойнар.
- От этилмеген джерден тютюн чыкъмайды.
- Ойнай билмеген, уруб къачар.
- Харам къарнашдан, халал тенг ашхы.
- Билмегенинги, билгеннге сор.
- Терслик кетер, тюзлюк джетер.
- Чарсда алчыны эл кёреди.
- Иши джокъну, сыйы джокъ.
- Нарт сёз къарт болмаз.
- Джети тилни билген джети кишиди.
- Чыкълы кюнде чыкъмагъан, чыкъса къуру кирмеген.
- Къыйынлы джети элни къайгъысын этер.
- Ата джурт – алтын бешик.
- От кюйдюрген, сау болса да, тот кюйдюрген, сау болмаз.
- Мал тутхан – май джалар.
- Ата – билек, ана – джюрек!
- Джогъун бар этген, барын бал этген.
- Ёзденликни джайгъан – джокълукъ.
- Ариу сёз аурууунгу алыр.
- Тил – кесген бычакъ, сёз – атылгъан окъ.
- Элиб деген, элге болушур.
- Азыгъы аз, алгъа къабар, аты аман, алгъа чабар.
- Эрине къаргъыш этген къатын, эрнин къабар.
- Кёзю сокъурдан – къоркъма, кёлю сокъурдан – къоркъ.
- Аман адам элни бир-бирине джау этер.
- Кёз – сюйген джерде, къол – ауругъан джерде.
- Къанны къан бла джуума, аманны аман бла къуума.
- Джашда акъыл джокъ, къартда къарыу джокъ.
- Акъыл къартда, джашда тюйюлдю – башдады.
- Орундукъ тюбюнде атылсам да, орта джиликме, де да айлан.
- Суу кетер, таш къалыр.
- Чомартны къолу берекет.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72