- Ауругъанны сау билмез, ач къарынны токъ билмез.
- Аз айтсам, кёб ангылагъыз.
- Къызны минг тилер, бир алыр.
- Ашлыкъны арба юйге келтирир, чана базаргъа элтир.
- Тил джюрекге джол ишлейди.
- Адамны сабийин сюйген джюреги, бычакъча, джитиди.
- Билеги кючлю, бирни джыгъар, билими кючлю, мингни джыгъар.
- Чакъырылгъанны аты, чакъырылмагъанны багъасы болур.
- Ёнгкюч къууана барыр, джылай келир.
- Билген билмегенни юретген адетди.
- Кийиминг бла танылма, адамлыкъ бла таныл.
- Рысхысына кёре, джаш ёсер, къышлыгъына кёре, мал ёсер.
- Билим ат болуб да чабар, къуш болуб да учар.
- Агъач – джерни чырайы, кийим – эрни чырайы.
- Акъыл къартда, джашда тюйюлдю – башдады.
- Ашха уста, юйюнде болсун
- Къулакъдан эсе, кёзге ышан.
- Аууздан келген, къолдан келсе, ким да патчах болур эди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къар – келтирди, суу – элтди.
- Тил бла келеди джыр да.
- Тёзген – тёш ашар!
- Къая джолда джортма, ачыкъ сёзден къоркъма.
- Узун джолну барсанг, бюгюн келирсе, къысха джолну барсанг, тамбла келирсе.
- Берекет берсин деген джерде, берекет болур.
- Юре билмеген ит, къонакъ келтирир.
- Биреуню тёрюнден, кесинги эшик артынг игиди.
- Аджашхан тёгерек айланыр.
- Къарын къуру болса, джюрек уру болур.
- Акъыллы – эл иеси, тели – эл баласы.
- Окъуу – билимни ачхычы, окъуу – дунияны бачхычы.
- Сыфатында болмагъаны, суратында болмаз.
- Сескекли кесин билдирир.
- Джыланны къуйругъундан басарынг келсе, аны башы болгъанын унутма.
- Ауругъаннга – кийик саулукъ, джетген къызгъа – чилле джаулукъ.
- Аман киши кеси юйюнде – къонакъ.
- Окъугъан – асыу, окъумагъан – джарсыу.
- Иги сеники эсе да, сюйген кесимикин этеме.
- Акъылсызны джууукъгъа алма, акъыллыны кенгнге салма.
- Эм уллу байлыкъ – джан саулукъ.
- Биреу къой излей, биреу той излей.
- Чабакъгъа акъыл, табагъа тюшсе келеди.
- Къонагъынгы артмагъын алма да, алгъышын ал.
- Башынга джетмегенни сорма.
- Тёгюлген тюгел джыйылмайды.
- Хар сёзню орну барды.
- Аман адам этегингден тутса, кес да къач.
- Кенгеш болса, уруш болмаз.
- Садакъачыны джаны – къапчыгъында.
- Танг атмайма десе да, кюн къоярыкъ тюйюлдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72