- Атлыны кёрсе, джаяуну буту талыр.
- Тил – миллетни джаны.
- Эллинг бла джау болсанг да, юйюнг бла джау болма.
- Ашыкъгъанны этеги бутуна чырмалыр.
- Ашын ашагъанынгы, башын да сыйла.
- Билмезни кёзю кёрмез, этмезни къулагъы эшитмез.
- Джюз элде джюз ёгюзюм болгъандан эсе, джюз джууугъум болсун.
- Джырчы ёлсе, джыры къалыр.
- Ашына кёре табагъы, балына кёре къалагъы.
- Танг атмайма десе да, кюн къоярыкъ тюйюлдю.
- Къайтырыкъ эшигинги, къаты уруб чыкъма.
- Тилчиден кери бол.
- Адамны сабийин сюйген джюреги, бычакъча, джитиди.
- Эски джаугъа ышанма.
- Босагъа таш юйге кирмей эди, тыбыр таш эшикге чыкъмай эди.
- Тай асырагъан, атха минер.
- Чабар ат – джетген къыз.
- Ашаса, ашамаса да, бёрюню ауузу – къан.
- Ариу сёз аурууунгу алыр.
- Накъырда – кертини келечиси.
- Гыдай эчки суугъа къараб, мюйюзле кёрмесе, джашма алкъын, дегенди.
- Айранны сюйген, ийнек тутар.
- Нафысынгы айтханын этме, намысынгы айтханын эт.
- Рысхы – сют юсюнде кёмюк кибикди.
- Уллу сёзде уят джокъ.
- Итли къонакъ джарашмаз.
- Аман адам этегингден тутса, кес да къач.
- Ауузу бла къуш тута айланады.
- Ана кёлю – балада, бала кёлю – талада.
- Тилчи бир сагъатха айлыкъ хата этер.
- Кёб къычыргъандан – къоркъма, тынч олтургъандан – къоркъ.
- Аякъларынгы джууургъанынга кёре узат.
- Тёгюлген тюгел джыйылмайды.
- Джаралыны джастыгъында сау ёлюр.
- Джуртун къоругъан озар.
- Къарт айтханны этмеген, къартаймаз.
- Ёгюзню мюйюзюнден тутадыла, адамны сёзюнден тутадыла.
- Халкъны юйю – туугъан джери.
- Сабийни джумушха джибер да, ызындан бар.
- Кюн – узун, ёмюр – къысха.
- Ишлерге уял да, ашаргъа табма.
- Ёлмесенг да, къарт дамы болмазса?
- Биреу къой излей, биреу той излей.
- Ариу сёз – джаннга азыкъ, аман сёз – башха къазыкъ.
- Байлыкъ келсе, акъыл кетер.
- Азыгъы аз, алгъа къабар, аты аман, алгъа чабар.
- Башы ишлегенни, ауузу да ишлер.
- Джыгъылгъанны сырты джерден тоймаз.
- Ишни аллы бла къууанма да, арты бла къууан.
- Адеб этмеген, адеб кёрмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72