- Халкъны юйю – туугъан джери.
- Махтаннган къыз, тойда джукълар.
- Аллахха ийнаннган кишини, Аллах онгдурур ишин.
- Агъач халкъгъа алтынды, иссиликге салкъынды.
- Ариуну – ауруу кёб.
- Джиби бир къат джетмей эди да, эки къат тарта эди.
- Ишлерге уял да, ашаргъа табма.
- Ариу сёз – къылычдан джити.
- Бермеген къол, алмайды.
- Къыз тиширыу кеси юйюнде да къонакъды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къонакъ болсанг, ийнакъ бол.
- Сабийни джумушха джибер да, ызындан бар.
- Атлыны кёрсе, джаяуну буту талыр.
- Джолда аягъынга сакъ бол, ушакъда тилинге сакъ бол.
- Зар адамны насыбы болмаз.
- Ач бёрюге мекям джокъ.
- Аз айтсам, кёб ангылагъыз.
- Чарсда алчыны эл кёреди.
- Джаз бир кюнню джатсанг, къыш талай кюнню абынырса.
- Кечеси – аяз, кюню – къыш, джарлы къаргъагъа бир аш тюш!
- Аман къатын сабий табса, бий болур…
- Арба аугъандан сора, джол кёргюзтюучю кёб болур.
- Ашыкъгъанны этеги бутуна чырмалыр.
- Игини сыйлагъан адетди.
- Ат да турмайды бир териде.
- Ариу сёзде ауруу джокъ.
- Эшекге миннген – биринчи айыб, андан джыгъылгъан – экинчи айыб.
- Байны къызы баймакъ болса да, юйде къалмаз!
- Ким бла джюрюсенг, аны кёзю бла кёрюнюрсе.
- Алтыннга тот къонмаз.
- Ата джурт – алтын бешик.
- Окъуу – билимни ачхычы, окъуу – дунияны бачхычы.
- Сабыр джетер муратха, сабырсыз къалыр уятха.
- Бир абыннган – минг сюрюнюр.
- Къызгъанчдан ычхыныр, мухардан ычхынмаз.
- Чомарт къонакъ юй иесин сыйлар.
- Сёз – кюмюш, джыр – алтын.
- Ариу сёз джыланны орнундан чыгъарыр.
- Аман адам этегингден тутса, кес да къач.
- Ашхы сёз таш тешер.
- Ашха уста, юйюнде болсун
- Сескекли кесин билдирир.
- Айран ичген – къутулду, джугъусун джалагъан – тутулду.
- Аман къатын алгъан, арыр, иги къатын алгъан джарыр.
- Сёз сёзню айтдырыр.
- Уллу сёлешме да, уллу къаб.
- Хаухну атма, ёнгкючню сатма.
- Джолунга кёре – джюрюшюнг, джагъанга кёре – юлюшюнг.
- Мен да «сен», дейме, сен да «кесим», дейсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72