- Чёбню кёлтюрсенг, тюбюнден сёз чыгъар.
- Тойгъан антын унутур.
- Ишни аллы бла къууанма да, арты бла къууан.
- Къарны аманнга къазан такъдырма, къолу аманнга от джакъдырма.
- Келлик заман – къартлыкъ келтирир, кетген заман – джашлыкъ ёлтюрюр.
- Бал – татлы, балдан да бала – татлы.
- Мураты болгъанны джюрек тебюую башхады.
- Джол бла сёзню къыйыры джокъ.
- Байлыкъ адамны сокъур этер.
- Ачлыкъ отха секиртир.
- Ишге юренсин къоллары, халкъ бла болсун джоллары.
- Эллинг бла джау болсанг да, юйюнг бла джау болма.
- Дуния мал дунияда къалады.
- Ашха уста, юйюнде болсун
- Иги джашны ышаны – аз сёлешиб, кёб тынгылар.
- Чомарт бергенин айтмаз.
- Уясында не кёрсе, учханында аны этер.
- Азыгъы аз, алгъа къабар, аты аман, алгъа чабар.
- Алгъанда – джууукъ, бергенде – джау.
- Иги сёз – джаннга азыкъ, аман сёз башха – къазыкъ.
- Байны оноуу, джарлыгъа джарамаз.
- Тюз сёз баргъан сууну тыяр.
- Билмегенинги, билгеннге сор.
- Алтыда кюлмеген, алтмышда кюлмез.
- Керек ташны ауурлугъу джокъ.
- Къоркъакъны кёзю экили кёрюр.
- Артына баргъанны, къатына барма.
- Окъугъан – асыу, окъумагъан – джарсыу.
- Ауурну тюбю бла, дженгилни башы бла джюрюген.
- Къар – келтирди, суу – элтди.
- Билимсиз иш бармаз.
- Билмезни кёзю кёрмез, этмезни къулагъы эшитмез.
- Къартха ушагъан джаш – акъыллы, джашха ушагъан къарт – тели.
- Асхат ашлыкъ сата, юйдегиси ачдан къата.
- Ачыкъ джюрекге джол – ачыкъ.
- Этим кетсе да, сюегим къалыр.
- Кюлме джашха – келир башха.
- Айтылгъан сёз ызына къайтмаз.
- Агъач – джерни чырайы, кийим – эрни чырайы.
- Къонагъы джокъну – шоху джокъ.
- Ата Джуртча джер болмаз, туугъан элча эл болмаз.
- Къарнынг къанлынга кийирир.
- Адамны адамлыгъы къыйынлыкъда айгъакъланады.
- Орундукъ тюбюнде атылсам да, орта джиликме, де да айлан.
- Аманнга игилик этсенг, юйюнге сау бармазса.
- Хар зат кесини орнуна иги.
- Къарт бла баш аша, джаш бла аякъ аша.
- Тил бла келеди джыр да.
- Сагъышы джокъ – джукъучу, акъылы джокъ – къаугъачы.
- Сормай – алма, чакъырылмай – барма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72