- Танг атмайма десе да, кюн къоярыкъ тюйюлдю.
- Байны къызы баймакъ болса да, юйде къалмаз!
- Суу ичген шауданынга тюкюрме.
- Джаш къарыу бла кючлю, къарт акъыл бла кючлю.
- Чакъырылмагъан къонакъ – орунсуз.
- Айтхан – тынч, этген – къыйын.
- Ата Джуртун танымагъан, атасын да танымаз.
- Чабакъсыз кёлге къармакъ салгъанлыкъгъа, чабакъ тутмазса.
- Зар адамны насыбы болмаз.
- Аман адам элни бир-бирине джау этер.
- Джюрек кёзден алгъа кёрюр.
- Акъыл сабырлыкъ берир.
- Экеу тутушса, биреу джыгъылыр.
- Ётюрюкню къуйругъу – бир тутум.
- Ата джурт – алтын бешик.
- Иги сеники эсе да, сюйген кесимикин этеме.
- Аллахдан тилесенг, кёб тиле.
- Кёкдеги болмаса, джердегин кёрмейди.
- Ашхылыкъ джерде джатмайды, аманлыкъ суугъа батмайды.
- Аман киши кеси юйюнде – къонакъ.
- Ат да турмайды бир териде.
- Адам сёзюнден белгили.
- Татлы тилде – сёз ариу, чемер къолда – иш ариу.
- Ашын ашагъанынгы, башын да сыйла.
- Абынмазлыкъ аякъ джокъ, джангылмазлыкъ джаякъ джокъ.
- Къызбайны юйюне дери сюрсенг, батыр болур.
- Айранын берсенг, челегин да къызгъанма.
- Тёзгеннге, джабылгъан эшик ачылыр.
- Джылыгъа джылан илешир.
- Эрни эр этерик да, къара джер этерик да, тиширыуду.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Байны оноуу, джарлыгъа джарамаз.
- Сууда джау джокъ, кёб сёзде магъана джокъ.
- Акъдан къара болмаз.
- Ёлген ийнек сютлю болур.
- Къызын тута билмеген, тул этер, джашын тута билмеген, къул этер.
- Махтаннган къыз, тойда джукълар.
- Акъыл аздырмаз, билим тоздурмаз.
- Иги адам абынса да, джангылмаз.
- Дуния мал дунияда къалады.
- Аман адамны тепсинге олтуртсанг, къызынгы тилер.
- Бал ашаргъа сюе эсенг, чибин ургъаннга тёз.
- Орну джокъну – сыйы джокъ.
- Тин – байлыгъынг, терен саулугъунг.
- Джолунга кёре – джюрюшюнг, джагъанга кёре – юлюшюнг.
- Джумушакъ сёз къаты таякъны сындырыр.
- Ана къойну – балагъа джандет.
- Айранны сюйген, ийнек тутар.
- Бойнуму джети джерден кессенг да, мен ол ишни этеллик тюлме.
- Бастасын ашагъан, хантусун да ичер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72