- Аманны тукъумуна къарама, игини тукъумун сорма.
- Таш ата билмеген, башына урур.
- Окъуу – билимни ачхычы, окъуу – дунияны бачхычы.
- Арыгъан къош чамчы болур.
- Кёкдеги болмаса, джердегин кёрмейди.
- Сёлеш деб шай берген, тохта деб, сом берген.
- Айран тёгюлсе, джугъусу къалыр.
- Кёбге таш атма.
- Сабийни джумушха джибер да, ызындан бар.
- Ёзденликни кёбю ётюрюк.
- Къайгъы тюбю – тенгиз.
- Тойгъан джерге джети къайт.
- Къаллай салам берсенг, аллай джууаб алырса.
- Терслик кетер, тюзлюк джетер.
- Дуния мал дунияда къалады.
- Джол бла сёзню къыйыры джокъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Уллу айтханны этмеген – уллаймаз.
- Насыблы элин сюер, насыбсыз кесин сюер.
- Иги адам абынса да, джангылмаз.
- Иесиз малны бёрю ашар.
- Таукелге нюр джауар.
- Джырчы ёлсе, джыры къалыр.
- Кийиминг бла танылма, адамлыкъ бла таныл.
- Джигер – джаннга къыйынлыкъ.
- Хар сёзню орну барды.
- Эркишиге тары кебек танг кёрюнюр.
- Огъурлуну сёзю – суу, огъурсузну сёзю – уу.
- Этни бети бла шорпасы.
- Аман эсирсе, юйюн ояр.
- Ариу сёз – къылычдан джити.
- Джолунга кёре – джюрюшюнг, джагъанга кёре – юлюшюнг.
- Сёз сёзню айтдырыр.
- Джуртун къоругъан озар.
- Ёлюк кебинсиз къалмаз.
- Бет бетге къараса, бет да джерге къарар.
- Зарда марда джокъ.
- Тюз сёз баргъан сууну тыяр.
- Чабакъгъа акъыл, табагъа тюшсе келеди.
- Акъыл аздырмаз, билим тоздурмаз.
- Кийимни бир кюнню аясанг, минг кюннге джарар.
- Аман киши кеси юйюнде – къонакъ.
- Игиге айтсанг – билир, аманнга айтсанг – кюлюр.
- Тыш элде солтан болгъандан эсе, кесинги элде олтан болгъан игиди!
- Къууут – джелге, берне – бошха.
- Къонакъ аман болса, къонакъбай джунчур
- Къайтырыкъ эшигинги, къаты уруб чыкъма.
- Иги сёз – джаннга азыкъ, аман сёз башха – къазыкъ.
- Кёб ант этген, кёб ётюрюк айтыр.
- Джюрек кёзден алгъа кёрюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72