- Сабыр джетер муратха, сабырсыз къалыр уятха.
- Тёрени джагъы джокъ.
- Къонакъ кёб келюучю юйню, къазаны отдан тюшмез.
- Ёгюзню мюйюзлери ауурлукъ этмейдиле.
- Ёксюзню къалачы уллу кёрюнюр.
- Илму – джашауну джолу.
- Къатын байлыкъны сюер, эр саулукъну сюер.
- Чоюнну башы ачыкъ болса, итге уят керекди.
- Сёлеш деб шай берген, тохта деб, сом берген.
- Тёрдеги кюлсе, эшикдеги ышарыр.
- Ашда – бёрю, ишде – ёлю.
- Аманнга да, игиге да оноусуз къатышма.
- Бозанг болмагъан джерге, къалагъынгы сукъма.
- Элге къуллукъ этмеген, элге ие болмаз.
- Адам сёзюнден белгили.
- Чабакъ башындан чирийди.
- Къызгъанчдан ычхыныр, мухардан ычхынмаз.
- Кёзю сокъурдан – къоркъма, кёлю сокъурдан – къоркъ.
- Акъылсызны джууукъгъа алма, акъыллыны кенгнге салма.
- Чарсда алчыны эл кёреди.
- Иги джашны ышаны – аз сёлешиб, кёб тынгылар.
- Джарлы джети элни сёзюн этер.
- Адам туугъан джеринде, ит тойгъан джеринде.
- Эр абынмай, эл танымаз.
- Чакъырылмагъан къонакъ – орунсуз.
- Аурууну келиую тынч, кетиую – къыйын.
- Тойчу джашха къарама, къойчу джашха къара.
- Тамбла алтындан бюгюн багъыр ашхы.
- Бюгюн дуния кибик, тамбла ахыратды.
- Кийим тукъум сордурур.
- Тиширыусуз юй – отсуз от джагъа.
- Дууулдаса – бал чибин, къонса – къара чибин.
- Мураты болгъанны джюрек тебюую башхады.
- Ёлген ийнек сютлю болур.
- Урунуу – насыбны анасы.
- Кийиминг бла танылма, адамлыкъ бла таныл.
- Биреуге аманлыкъ этиб, кесинге игилик табмазса.
- Рысхы джалгъанды: келген да этер, кетген да этер.
- Аз сёлешген, къайгъысыз турур.
- Аман адам элни бир-бирине джау этер.
- Джарлыны тону джаз битер.
- Билими азны – ауузунда кирит.
- Ёзденликни джайгъан – джокълукъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Босагъа таш юйге кирмей эди, тыбыр таш эшикге чыкъмай эди.
- Ётюрюкню къуйругъу – бир тутум.
- Джашынгы кесинг юретмесенг, джашау юретир.
- Миллетни бойну – базыкъ, аны бла кюрешген – джазыкъ.
- Къошда джокъгъа – юлюш джокъ.
- Бичгенде ашыкъма, тикгенде ашыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72