- Уясында не кёрсе, учханында аны этер.
- Чоюнну башы ачыкъ болса, итге уят керекди.
- Дуния мал дунияда къалады.
- Джарлы эскисин джамаса, къууаныр.
- Къартны бурнун сюрт да, оноугъа тут.
- Джаралыны джастыгъында сау ёлюр.
- Кирсизни – саны таза, халалны – къаны таза.
- Ёлген аслан – сау чычхан.
- Иги адамны бир сёзю эки болмаз.
- Кёб къычыргъандан – къоркъма, тынч олтургъандан – къоркъ.
- Къанны къан бла джуума, аманны аман бла къуума.
- Эл ауузу – элия.
- Ашхы сёз таш тешер.
- Джырчы джырчыгъа – къарнаш.
- Огъурлуну сёзю – суу, огъурсузну сёзю – уу.
- Малны кют, джерни тюрт.
- Экиндини кеч къылсанг, чабыб джетер ашхам.
- Аз сёлеш, кёб ишле.
- Тулпарлыкъ, билекден тюл – джюрекден.
- Рысхы – сют юсюнде кёмюк кибикди.
- Бетинги сатма, малынгы сат.
- Гугурук къычырмаса да, тангны атары къалмаз.
- Джигер – джаннга къыйынлыкъ.
- Окъ къызбайны джокълайды.
- Кёл ашады да, кеси ашады.
- Акъыл неден да кючлюдю.
- Къонакъны къачан кетерин сорма, къачан келлигин сор.
- Биреуню эскиси биреуге джангы болмайды.
- Аллахдан тилесенг, кёб тиле.
- Ашда уялгъан – мухар, ишде уялгъан – хомух.
- Къыз тиширыу кеси юйюнде да къонакъды.
- Илму – джашауну джолу.
- Ач да бол, токъ да бол – намысынга бек бол.
- Ётюрюк хапар аякъ тюбю бла джюрюйдю.
- Бир абыннган – минг сюрюнюр.
- Насыблы элин сюер, насыбсыз кесин сюер.
- Акъдан къара болмаз.
- Таякъ этден ётер, тил сюекден ётер.
- Эли джокъну – кёлю джокъ.
- Ичимден чыкъды хата, къайры барайым сата?
- Адамны адамлыгъы къыйынлыкъда айгъакъланады.
- Иги сеники эсе да, сюйген кесимикин этеме.
- Эки ойлашыб, бир сёлешген.
- Ишлегенде эринме, ишде чолакъ кёрюнме.
- Баш болса, бёрк табылыр.
- Чомарт къонакъ юй иесин сыйлар.
- Эте билген, этген этеди, эте билмеген, юретген этеди!
- Аз айтсам, кёб ангылагъыз.
- Къарнынг ауруса, ауузунгу тый
- Акъыллы башны – тили къысха.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72