- Ёксюзню къалачы уллу кёрюнюр.
- Келлик заман – къартлыкъ келтирир, кетген заман – джашлыкъ ёлтюрюр.
- Ишни аллы бла къууанма да, арты бла къууан.
- Магъанасыз сёз – тауушсуз сыбызгъы.
- Алгъанда – джууукъ, бергенде – джау.
- Джашлыкъ этмеген, башлыкъ этмез.
- Гыдай эчки суугъа къараб, мюйюзле кёрмесе, джашма алкъын, дегенди.
- Эрни эр этерик да, къара джер этерик да, тиширыуду.
- Эринчекни эр алмаз, эр алса да, кёл салмаз, кёл салса да, кёб бармаз!
- Бойнуму джети джерден кессенг да, мен ол ишни этеллик тюлме.
- Иги джашны ышаны – аз сёлешиб, кёб тынгылар.
- Адам боллукъ, атламындан белгили болур.
- Ауругъанны сау билмез, ач къарынны токъ билмез.
- Къолунгдан къуймакъ ашатсанг да, атаны борчундан къутулмазса.
- Сёз – кюмюш, джыр – алтын.
- Асхат ашлыкъ сата, юйдегиси ачдан къата.
- Рысхы – сют юсюнде кёмюк кибикди.
- Гугук кесини атын айтыб къычыргъанча, мен, мен деб нек тураса?
- Ёксюзню тилеги къабыл болур.
- Ата – билек, ана – джюрек!
- Мухар, кеси тойса да, кёзю тоймаз.
- Къонакъ аз олтурур, кёб сынар.
- Чомартны къолу берекет.
- Ач, тоймам, дейди, тойгъан, ач болмам, дейди.
- Насыблы элин сюер, насыбсыз кесин сюер.
- Къар – келтирди, суу – элтди.
- Сакъалы текени да бар, мыйыгъы киштикни да бар.
- Кёкдеги болмаса, джердегин кёрмейди.
- Ишлегенден, къарагъан уста.
- Кирсизни – саны таза, халалны – къаны таза.
- Къарыусузгъа кюлме, онгсузгъа тийме.
- Дженгил джетерикме деб, узун джолну къоюб, къысхасын барма.
- Эте билген, этген этеди, эте билмеген, юретген этеди!
- Аджалсыз ёлюм болмаз.
- Къазанда болса, чолпугъа чыгъар.
- Баланы адам этген анады.
- Ашарыкъда сайлагъаннга – чий гырджын.
- Урама да – ёледи, сатама да – келеди.
- Эм уллу байлыкъ – джан саулукъ.
- Уллу атлама – абынырса, уллу къабма – къарылырса.
- Айырылмаз джууугъунга, унутмаз сёзню айтма.
- Танг атмайма десе да, кюн къоярыкъ тюйюлдю.
- Халкъгъа джарагъан, джарлы къалмаз.
- Джарлыны тону джаз битер.
- Адеб этмеген, адеб кёрмез.
- Айтхан – тынч, этген – къыйын.
- Башы джабылгъан челекге, кир тюшмез.
- Келгинчи, къонакъ уялыр, келгенден сора, къонакъбай уялыр.
- Джарлы тюеге минсе да, ит къабар.
- Экеу тутушса, биреу джыгъылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72