- Тамбла алтындан бюгюн багъыр ашхы.
- Шапа кёб болса, аш татымсыз болур.
- Мадар болса, къадар болур.
- Аякъларынгы джууургъанынга кёре узат.
- Акъыл бла адеб эгизледиле.
- Чабар ат – джетген къыз.
- Джюрекге ариу – кёзге да ариу.
- Ашхы адам – халкъ байлыгъы, ашхы джер – джашау байлыгъы.
- Эрни эр этерик да, къара джер этерик да, тиширыуду.
- Джаханимни кёрмей, джандетге кёл салмазса.
- Юреннген ауруу къалмаз.
- Акъыллы – эл иеси, тели – эл баласы.
- Ариуну – ауруу кёб.
- Булут кёкге джарашыу, уят бетге джарашыу.
- «Ёгюз, джаргъа джууукъ барма, меннге джюк боллукъса», - дегенди эшек.
- Зарда марда джокъ.
- Билеги кючлю, бирни джыгъар, билими кючлю, мингни джыгъар.
- Сабыр джетер муратха, сабырсыз къалыр уятха.
- Эртде тургъан бла эртде юйленнген сокъуранмаз.
- Ашарыкъда сайлагъаннга – чий гырджын.
- Берекет берсин деген джерде, берекет болур.
- Къолу уллу – асыу, аягъы уллу – джарсыу.
- Ат басханны джер билед.
- Айтхан сёзюне табылгъан.
- Къуру гыбыт бек дыгъырдар.
- Джюз элде джюз ёгюзюм болгъандан эсе, джюз джууугъум болсун.
- Билимли ёлмез, билимсиз кёрмез.
- Татлы тилде – сёз ариу, чемер къолда – иш ариу.
- Эл бла кёргенинг эрелей.
- Билим насыб берир, билим джолну керир.
- Тенги кёбню джау алмаз, акъылы кёбню дау алмаз.
- Тойчу джашха къарама, къойчу джашха къара.
- Адебни адебсизден юрен.
- Сютню башын джалагъан къутулур, тюбюн ичген тутулур.
- Уясында не кёрсе, учханында аны этер.
- Окъумагъан сокъурду, сокъур ташха абыныр!
- Къарт айтханны этмеген, къартаймаз.
- Кюл тюбюндеги от кёрюнмейди.
- Гугук кесини атын айтыб къычыргъанча, мен, мен деб нек тураса?
- Аман адам элни бир-бирине джау этер.
- Къарнынг ауруса, ауузунгу тый
- Насыб бютеу халкъны юлюшюдю.
- Ышармагъан – кюлмез, кюлмеген – къууанчны билмез.
- Сабий болмагъан джерде, мёлек болмаз.
- Къобан да къуру да къобханлай турмайды, адам да къуру да патчахлай турмайды.
- Кийиминг бла танылма, адамлыкъ бла таныл.
- Ёмюрлюк шохлукъну джел элтмез.
- Джырчы ёлсе, джыры къалыр.
- Байны къызы баймакъ болса да, юйде къалмаз!
- Аман хансны – урлугъу кёб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72