- Къыйынлы джети элни къайгъысын этер.
- Джаш болсун, къыз болсун, акъылы, саны тюз болсун.
- Таукел адам тау тешер.
- Къызын тута билмеген, тул этер, джашын тута билмеген, къул этер.
- Джангыз терек къынгыр ёсер.
- Эринчекни эр алмаз, эр алса да, кёл салмаз, кёл салса да, кёб бармаз!
- Экиндини кеч къылсанг, чабыб джетер ашхам.
- Айтханы чапыракъдан ётмеген.
- Хоншуну тауугъу къаз кёрюнюр, келини къыз кёрюнюр.
- Эшекни не къадар тюйсенг да, ат болмаз.
- Ач – эснер, ат – кишнер.
- Къайгъы тюбю – тенгиз.
- Кюн – узун, ёмюр – къысха.
- Ойнай-ойнай кёз чыгъар.
- Айранын берсенг, челегин да къызгъанма.
- Таякъ этден ётер, тил сюекден ётер.
- Айырылгъанланы айю ашар, бёлюннгенлени бёрю ашар.
- Башы джабылгъан челекге, кир тюшмез.
- Чабар ат – джетген къыз.
- Эллинг бла джау болсанг да, юйюнг бла джау болма.
- Ачлыкъ отха секиртир.
- Аджашхан тёгерек айланыр.
- Джигер – джаннга къыйынлыкъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Кютгени беш эчки, сызгъыргъаны уа, джерни джарады.
- Суугъа – таянма, джаугъа – ийнанма.
- Суу ичген шауданынга тюкюрме.
- Сагъышы джокъ – джукъучу, акъылы джокъ – къаугъачы.
- Бастасын ашагъан, хантусун да ичер.
- Эр абынмай, эл танымаз.
- Ёксюзню къалачы уллу кёрюнюр.
- Джырчы джырчыгъа – къарнаш.
- Билмейме деген – бир сёз
- Кёб ант этген, кёб ётюрюк айтыр.
- Болджал ишни бёрю ашар.
- Нафысынгы айтханын этме, намысынгы айтханын эт.
- Айтылгъан сёз ызына къайтмаз.
- Ариу сёзде ауруу джокъ.
- Ариу сёз – джаннга азыкъ, аман сёз – башха къазыкъ.
- Игини сыйлагъан адетди.
- Сёлеш деб шай берген, тохта деб, сом берген.
- Ач бёрюге мекям джокъ.
- Къая джолда джортма, ачыкъ сёзден къоркъма.
- Эртде тургъан бла эртде юйленнген сокъуранмаз.
- Булут кёкге джарашыу, уят бетге джарашыу.
- Ёлген ийнек сютлю болур.
- Татлы тилде – сёз ариу, чемер къолда – иш ариу.
- Кёл – къызбай, къол – батыр.
- Биреуге аманлыкъны тилеме да, кесинге ашхылыкъны тиле.
- Тенгни тенглиги джашай барсанг билинир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72