- Джиби бир къат джетмей эди да, эки къат тарта эди.
- Юйлю уругъа ит чабмаз.
- Аман хансны – урлугъу кёб.
- Ёксюзню тилеги къабыл болур.
- Шекер бла туз – бир болмаз, ушамагъан – юй болмаз.
- Кёлсюзден сёзсюз тууар.
- Къуллукъчума, деб махтанма, къуллукъ – хаух джамчыды!
- Кийимни бичсенг, кенг бич, тар этген къыйын тюлдю.
- Экеу тутушса, биреу джыгъылыр.
- Намыс сатылыб алынмайды.
- Хар сёзню орну барды.
- Сютню башын джалагъан къутулур, тюбюн ичген тутулур.
- Башы джабылгъан челекге, кир тюшмез.
- Ачлыкъда тары гырджын халыуадан татлы.
- Ишлегенден, къарагъан уста.
- Сёлеш деб шай берген, тохта деб, сом берген.
- Сакъ юйюне сау барыр.
- Къошда джокъгъа – юлюш джокъ.
- Джети тилни билген джети кишиди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эринчекге кюн узун.
- Тойгъан антын унутур.
- Чомартха хар кюн да байрамды.
- Джетген къыз джерли эшекни танымаз.
- Нарт сёз къарт болмаз.
- Джыйырма къойну юч джыйырма эбзе кюте эди.
- Онгсузну – джакъла, тенгликни – сакъла.
- Халкъны юйю – туугъан джери.
- Окъумагъан сокъурду, сокъур ташха абыныр!
- Къумурсхала джыйылсала, пилни да джыгъадыла.
- Джерни букъусу кёкге къонмаз.
- Бал ашаргъа сюе эсенг, чибин ургъаннга тёз.
- Иши джокъну, сыйы джокъ.
- Бал – татлы, балдан да бала – татлы.
- Сабий кёргенин унутмаз.
- Ойнай билмеген, оюн бузар.
- Билим – акъылны чырагъы.
- Таякъ этден ётер, тил сюекден ётер.
- Байлыкъ болгъан джерде, тынчлыкъ джокъду.
- Къазанны башы ачыкъ болса, итге уят керекди.
- Джюрекге ариу – кёзге да ариу.
- Окъ къызбайны джокълайды.
- Биреу ашаб къутулур, биреу джалаб тутулур.
- Джарашыу сюйген – джалынчакъ.
- Мал кёб болса, джууукъ кёб болур.
- Тил – миллетни джаны.
- Таукел къуру къалмаз.
- Бозаны арты дауур болур.
- Билим къая тешер.
- Насыб бютеу халкъны юлюшюдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72