- Суугъа – таянма, джаугъа – ийнанма.
- Таукел тауну аудурур.
- Аш кетер да бет къалыр.
- Джаханимни кёрмей, джандетге кёл салмазса.
- Онгсузну – джакъла, тенгликни – сакъла.
- Келинин тута билмеген, къул этер, къызын тута билмеген, тул этер.
- Игиге айтсанг – билир, аманнга айтсанг – кюлюр.
- Абынмазлыкъ аякъ джокъ, джангылмазлыкъ джаякъ джокъ.
- Джырчы ёлсе, джыры къалыр.
- Экеу тутушса, биреу джыгъылыр.
- Эки ойлашыб, бир сёлешген.
- Джарлыны тону джаз битер.
- Кимни – тили, тиши онглу, кимни – къолу, иши онглу.
- Къонакъны къачан кетерин сорма, къачан келлигин сор.
- Байны оноуу, джарлыгъа джарамаз.
- Тёрени джагъы джокъ.
- Ач – эснер, ат – кишнер.
- Джашны джигитлиги сорулур, къызны джигерлиги сорулур.
- Нёгерсизни джолу узун.
- Сёз сёзню айтдырыр.
- Джерни букъусу кёкге къонмаз.
- Таукел адам тау тешер.
- Кёлю джокъну – джолу джокъ.
- Ашын ашагъанынгы, башын да сыйла.
- Тенгинг джокъ эсе – изле, бар эсе – сакъла!
- Джаш къарыу бла кючлю, къарт акъыл бла кючлю.
- Ач къарным, тынч къулагъым.
- Ёксюзню тилеги къабыл болур.
- Билим ат болуб да чабар, къуш болуб да учар.
- Кесине гебен этелмеген, биреуге черен эте эди.
- Нарт сёз къарт болмаз.
- Экиндини кеч къылсанг, чабыб джетер ашхам.
- Айтылгъан буйрукъ, сёгюлмез
- Кёб къычыргъандан – къоркъма, тынч олтургъандан – къоркъ.
- Бёрю да ач къалмасын, эчки да ашалмасын.
- Айран ичген – къутулду, джугъусун джалагъан – тутулду.
- Бермеген къол, алмайды.
- Тили узунну, намысы – къысха.
- Хаухну атма, ёнгкючню сатма.
- Келинни – келгинчи, бёркню кийгинчи кёр.
- Бир абыннган – минг сюрюнюр.
- Насыб бютеу халкъны юлюшюдю.
- Чакъырылмагъан къонакъ къачан кетерин сормаз.
- Чабакъ башындан чирийди.
- Окъумагъан сокъурду, сокъур ташха абыныр!
- Адам туугъан джеринде, ит тойгъан джеринде.
- Сёз къанатсыз учар.
- Аш берме да, къаш бер.
- Артына баргъанны, къатына барма.
- Ётюрюкню къуйругъу – бир тутум.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72