- Ариу джол аджал келтирмез.
- Иги джашны ышаны – аз сёлешиб, кёб тынгылар.
- Ашда уялгъан – мухар, ишде уялгъан – хомух.
- Эл ауузу – элек, анга ийнаннган – халек.
- Таякъ этден ётер, тил сюекден ётер.
- Ат басханны джер билед.
- Адеб джокъда, намыс джокъ.
- Кюлме джашха – келир башха.
- Къарнынг ауруса, ауузунгу тый
- Къарт бла баш аша, джаш бла аякъ аша.
- Тилчи бир сагъатха айлыкъ хата этер.
- Ашда – бёрю, ишде – ёлю.
- Сабийликде юретмесенг, уллу болса – тюзелмез.
- Сангырау къулакъ эл бузар.
- Къарын къуру болса, джюрек уру болур.
- Артына баргъанны, къатына барма.
- Акъдан къара болмаз.
- Ашатыргъа иш – ашхы, ишлетирге аш – ашхы.
- Ана къолу ачытмаз.
- Къалгъан ишге къар джауар.
- Тойгъа алгъа да барма, тойда артха да къалма.
- Ашаса, ашамаса да, бёрюню ауузу – къан.
- Адамны сабийин сюйген джюреги, бычакъча, джитиди.
- Кеси юйюмде мен да ханма.
- Тюзню ётмеги тюзде къалса да, тас болмаз.
- Чакъырылмагъан къонакъ тёрге атламаз.
- Джаным-тиним – окъуу, билим.
- Ётюрюкню къуйругъу – бир тутум.
- Ёлюр джаннга, ёкюл джокъ.
- Мал ёлсе, сюек къалыр, адам ёлсе, иши къалыр.
- Мен да «сен», дейме, сен да «кесим», дейсе.
- Ургъан суудан башынгы сакъла.
- Экеу тутушса, биреу джыгъылыр.
- Ишлегенде эринме, ишде чолакъ кёрюнме.
- Тура эдим джата, къайдан чыкъды хата?
- Телиге акъыл салгъандан эсе, ёлгеннге джан салырса.
- Ишни аллы бла къууанма да, арты бла къууан.
- Тенги кёбню джау алмаз, акъылы кёбню дау алмаз.
- Юре билмеген ит, къонакъ келтирир.
- Чыкълы кюнде чыкъмагъан, чыкъса къуру кирмеген.
- Ашхы – джыяр, аман – джояр.
- Харам къарнашдан, халал тенг ашхы.
- Дууулдаса – бал чибин, къонса – къара чибин.
- Этни да ашады, бетни да ашады.
- Бет бетге къараса, бет да джерге къарар.
- Къайгъы тюбю – тенгиз.
- Суугъа – чабакъ, къаягъа – ыргъакъ.
- Ойнай билмеген, уруб къачар.
- Къыз келсе, джумуш эте келеди, къатын келсе, ушакъ эте келеди.
- Билим – акъылны чырагъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72