- «Ёгюз, джаргъа джууукъ барма, меннге джюк боллукъса», - дегенди эшек.
- Ёзденликни джайгъан – джокълукъ.
- Ётюрюк хапар аякъ тюбю бла джюрюйдю.
- Булут кёкге джарашыу, уят бетге джарашыу.
- Аман киши кеси юйюнде – къонакъ.
- Къонакъны къачан кетерин сорма, къачан келлигин сор.
- Чакъырылмай келген къонакъ сыйланмай кетер.
- Акъыл сабырлыкъ берир.
- Ата – баланы уясы.
- Иги адам абынса да, джангылмаз.
- Ашхы – джыяр, аман – джояр.
- Къыз тиширыу кеси юйюнде да къонакъды.
- Шайтан алдады, тюзлюк къаргъады.
- Аман адамны тепсинге олтуртсанг, къызынгы тилер.
- Къазанны башы ачыкъ болса, итге уят керекди.
- Тамбла алтындан бюгюн багъыр ашхы.
- Билмегенинги, билгеннге сор.
- Кюлме джашха – келир башха.
- Ишлегенде эринме, ишде чолакъ кёрюнме.
- Кийимни бир кюнню аясанг, минг кюннге джарар.
- Адам къаллай бир ишленмесе, аллай бир кесин уллу кёреди.
- Къарт айтханны этмеген, къартаймаз.
- Тулпарлыкъ, билекден тюл – джюрекден.
- Къыз келсе, джумуш эте келеди, къатын келсе, ушакъ эте келеди.
- Эрни эр этерик да, къара джер этерик да, тиширыуду.
- Эл ауузу – элек, анга ийнаннган – халек.
- Чомарт къолда мал къалмаз.
- Акъыл неден да кючлюдю.
- Суу ичген шауданынга тюкюрме.
- Таукел адам тау тешер.
- Кёрмегеннге кебек – танг, битмегеннге сакъал – танг.
- Душманны тышы – акъ, ичи – къара.
- Ётюрюкден тюбю джокъ, кёлтюрюрге джиби джокъ.
- Иги адамны бир сёзю эки болмаз.
- Чомарт бергенин айтмаз.
- Адеби болмагъан къыз – тузсуз хант.
- Ёзденликни кёбю ётюрюк.
- Ишленмеклик адамлыкъды.
- Ойнай-ойнай кёз чыгъар.
- Эл ауузу – элия.
- Джыйырма къойну юч джыйырма эбзе кюте эди.
- Ичимден чыкъды хата, къайры барайым сата?
- Адамны сыфатына къарама, сёзюне къара.
- Аманны тукъумуна къарама, игини тукъумун сорма.
- Къарнынг бла ёч алма.
- Тау башында, тау болмаз, джангыз терек, бау болмаз.
- Къозулугъунда тоймагъан, къойлугъунда тоймаз.
- Чыкълы кюнде чыкъмагъан, чыкъса къуру кирмеген.
- Адамны бетине къарама, адетине къара.
- Телиге акъыл салгъандан эсе, ёлгеннге джан салырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72