- Ачыу алгъа келсе, акъыл артха къалады.
- Кесинг сынамагъан затны, адамгъа буюрма.
- Соргъан айыб тюлдю, билмеген айыбды.
- Ёлмесенг да, къарт дамы болмазса?
- Джашны джигитлиги сорулур, къызны джигерлиги сорулур.
- Тил джюрекге джол ишлейди.
- Таукел адам тау тешер.
- Къызын тута билмеген, тул этер, джашын тута билмеген, къул этер.
- Ёнгкюч къууана барыр, джылай келир.
- Тилсиз миллет джокъ болур.
- Сабий болмагъан джерде, мёлек болмаз.
- Ачлыкъ отха секиртир.
- Чомарт бергенин айтмаз.
- Джол бла сёзню къыйыры джокъ.
- Кёрмегеннге кебек – танг, битмегеннге сакъал – танг.
- Мухардан ач ычхынмаз.
- Бойнуму джети джерден кессенг да, мен ол ишни этеллик тюлме.
- Аманнга алтын чыдамаз.
- Дженгил джетерикме деб, узун джолну къоюб, къысхасын барма.
- Юйлю уругъа ит чабмаз.
- Къонагъынгы артмагъын алма да, алгъышын ал.
- Кимни – тили, тиши онглу, кимни – къолу, иши онглу.
- Къалгъан ишге къар джауар.
- Оюмсуз атлагъан, аджалсыз ёлюр.
- Ач къарным, тынч къулагъым.
- Аманны тукъумуна къарама, игини тукъумун сорма.
- Ашлыкъны арба юйге келтирир, чана базаргъа элтир.
- Мадар болса, къадар болур.
- Аман адамны тепсинге олтуртсанг, къызынгы тилер.
- Башы джабылгъан челекге, кир тюшмез.
- Кийимни бир кюнню аясанг, минг кюннге джарар.
- Байлыкъ келсе, акъыл кетер.
- Телиге акъыл салгъандан эсе, ёлгеннге джан салырса.
- Юй ишлеген балта эшикде къалыр.
- Бастасын ашагъан, хантусун да ичер.
- Уллу къашыкъ эрин джыртар.
- Билеги кючлю, бирни джыгъар, билими кючлю, мингни джыгъар.
- Джумушакъ терекни къурт ашар.
- Аллахдан тилесенг, кёб тиле.
- Уллу сёлешме да, уллу къаб.
- Керилген да, ургъан кибикди.
- Сыфатында болмагъаны, суратында болмаз.
- Джырына кёре эжиую.
- Адеб этмеген, адеб кёрмез.
- Кёл – къызбай, къол – батыр.
- Эри аманны, къатыны – аман.
- Кёкдеги болмаса, джердегин кёрмейди.
- Ариуну – ауруу кёб.
- Нарт сёз къарт болмаз.
- Иши джокъну, сыйы джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72