- Окъуусуз билим – джокъ, билимсиз кюнюнг – джокъ.
- Эшекни не къадар тюйсенг да, ат болмаз.
- Аш хазыр болса, иш харам болур.
- Аман киши кеси юйюнде – къонакъ.
- Тенгни тенглиги джашай барсанг билинир.
- Аман къатын сабий табса, бий болур…
- Татлы сёз – балдан татлы.
- Юйюнг бла джау болгъандан эсе, элинг бла джау бол.
- Аман адам этегингден тутса, кес да къач.
- Садакъачыны джаны – къапчыгъында.
- Билимсиз иш бармаз.
- Адам къаллай бир ишленмесе, аллай бир кесин уллу кёреди.
- Ашыкъгъан cуу, тенгизге джетмез.
- Ач да бол, токъ да бол – намысынга бек бол.
- Чабакъсыз кёлге къармакъ салгъанлыкъгъа, чабакъ тутмазса.
- Байма, деб да, къууанма, джарлыма, деб да, джылама.
- Къалгъан ишге къар джауар.
- Атлыны кёрсе, джаяуну буту талыр.
- Телиге акъыл салгъандан эсе, ёлгеннге джан салырса.
- Сагъышы джокъ – джукъучу, акъылы джокъ – къаугъачы.
- Къарт бла баш аша, джаш бла аякъ аша.
- Дуния мал дунияда къалады.
- Биреуге аманлыкъ этиб, кесинге игилик табмазса.
- Ариуну – ауруу кёб.
- Сёлеш деб шай берген, тохта деб, сом берген.
- Ётюрюкден тюбю джокъ, кёлтюрюрге джиби джокъ.
- Ариу сёз джыланны орнундан чыгъарыр.
- Иги джашны ышаны – аз сёлешиб, кёб тынгылар.
- Ариу – кёзге, акъыл – джюрекге.
- Мухарны эси – ашарыкъда.
- Малны кют, джерни тюрт.
- Нарт сёз – тилни бети.
- Сескекли кесин билдирир.
- Бастасын ашагъан, хантусун да ичер.
- Алгъанда – джууукъ, бергенде – джау.
- Къарнынг ауруса, ауузунгу тый
- Эм ашхы къайын ана мамукъ бла башынгы тешер.
- Тыш элде солтан болгъандан эсе, кесинги элде олтан болгъан игиди!
- Ашыкъгъанны этеги бутуна чырмалыр.
- Джашны джигитлиги сорулур, къызны джигерлиги сорулур.
- Бюгюн дуния кибик, тамбла ахыратды.
- Кёб ант этген, кёб ётюрюк айтыр.
- Байлыкъ келсе, акъыл кетер.
- Эр сокъур болсун, къатын тилсиз болсун.
- Ишин билген, аны сыйын чыгъарады.
- Таукелге нюр джауар.
- Уллу атлама – абынырса, уллу къабма – къарылырса.
- Тил – миллетни джаны.
- Къууут – джелге, берне – бошха.
- Аман адам элни бир-бирине джау этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72