- Берекет берсин деген джерде, берекет болур.
- Эл элде бирер малынг болгъандан эсе, бирер тенгинг болсун.
- Терек ауса, отунчу – кёб.
- Ётюрюкню башын керти кесер.
- Тиширыусуз юй – отсуз от джагъа.
- Ач отунчуну ачыуу – бурнунда.
- Джогъун бар этген, барын бал этген.
- Босагъагъа джууукъ орун болса, ашыгъыб тёрге озма.
- Ёгюзню мюйюзюнден тутадыла, адамны сёзюнден тутадыла.
- Магъанасыз сёз – тауушсуз сыбызгъы.
- Къартны сыйын кёрмеген, къартлыгъында сыйлы болмаз.
- Кечеси – аяз, кюню – къыш, джарлы къаргъагъа бир аш тюш!
- Онгсузну – джакъла, тенгликни – сакъла.
- Байны къызы баймакъ болса да, юйде къалмаз!
- Аякъларынгы джууургъанынга кёре узат.
- Тюкюрюк баш джармаз, налат кёз чыгъармаз!
- Айтылгъан буйрукъ, сёгюлмез
- Тас болгъан бычакъны сабы – алтын.
- Шекер бла туз – бир болмаз, ушамагъан – юй болмаз.
- Тин – байлыгъынг, терен саулугъунг.
- Таукел къуру къалмаз.
- Чакъырылмай келген къонакъ сыйланмай кетер.
- Ариу сёзде ауруу джокъ.
- Суу да къайтады чыкъгъан джерине.
- Джаз бир кюнню джатсанг, къыш талай кюнню абынырса.
- Къарт бла баш аша, джаш бла аякъ аша.
- Аманны эки битли тону болур, бирин сеннге кийдирир, бирин кеси киер.
- Къызны минг тилер, бир алыр.
- Байлыкъ тауусулур, билим тауусулмаз.
- Ана – юйню кюн джарыгъы.
- Адам къаллай бир ишленмесе, аллай бир кесин уллу кёреди.
- Кёз – сюйген джерде, къол – ауругъан джерде.
- Аурууну келиую тынч, кетиую – къыйын.
- Ашатыргъа иш – ашхы, ишлетирге аш – ашхы.
- Адам сёзге тынгыла, акъыл сёзню ангыла.
- Сабыр джетер муратха, сабырсыз къалыр уятха.
- Бек анасы джыламаз.
- Чарсда алчыны эл кёреди.
- Арбаз къынгырды да, ийнек сауалмайма.
- Накъырданы арты керти болур.
- Кёл – къызбай, къол – батыр.
- Джарлы эскисин джамаса, къууаныр.
- Ёксюзню къалачы уллу кёрюнюр.
- Джырына кёре эжиую.
- Къыз тиширыу кеси юйюнде да къонакъды.
- Иги адамны бир сёзю эки болмаз.
- Ач уят къоймаз.
- Халкъны юйю – туугъан джери.
- Джол бла сёзню къыйыры джокъ.
- Кесине оноу эте билмеген, халкъына да эте билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72