- Къонакъ хазыр болгъанлыкъгъа, къонакъбай хазыр тюлдю.
- Биреуню эскиси биреуге джангы болмайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Акъыл бла адеб эгизледиле.
- Кёб джат да, бек чаб.
- Мухарны эси – ашарыкъда.
- Джырчы ёлсе, джыры къалыр.
- Кёб ант этген, кёб ётюрюк айтыр.
- Тамчы таш тешер.
- Къошда джокъгъа – юлюш джокъ.
- Таякъ этден ётер, тил сюекден ётер.
- Тюзлюк шохлукъну бегитир.
- Бермеген къол, алмайды.
- Кёб джашагъан – кёб билир.
- Билмейме деген – бир сёз
- Джиби бир къат джетмей эди да, эки къат тарта эди.
- Адам туугъан джеринде, ит тойгъан джеринде.
- Уллу сёзде уят джокъ.
- Къалгъан ишге къар джауар.
- Татлы тилде – сёз ариу, чемер къолда – иш ариу.
- Адамны бетине къарама, адетине къара.
- Ашыкъгъан cуу, тенгизге джетмез.
- Уллу атлама – абынырса, уллу къабма – къарылырса.
- Къатын къылыкъсыз, эр тынчлыкъсыз.
- Байлыкъ келсе, акъыл кетер.
- Гугурук къычырмаса да, тангны атары къалмаз.
- Кийим тукъум сордурур.
- Джарлы джети элни сёзюн этер.
- Айырылмаз джууугъунга, унутмаз сёзню айтма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джарлы тюеге минсе да, ит къабар.
- Сабий болмагъан джерде, мёлек болмаз.
- Кёзню ачылгъаны – иги, ауузну джабылгъаны – иги.
- Кюн кёрмеген, кюн кёрсе, кюндюз чыракъ джандырыр.
- Кечеси – аяз, кюню – къыш, джарлы къаргъагъа бир аш тюш!
- Тай асырагъан, атха минер.
- Кийиминг бла танылма, адамлыкъ бла таныл.
- Ёгюзню мюйюзюнден тутадыла, адамны сёзюнден тутадыла.
- Къартха ушагъан джаш – акъыллы, джашха ушагъан къарт – тели.
- Эм ашхы къайын ана мамукъ бла башынгы тешер.
- Нарт сёз – тилни бети.
- Окъугъан – асыу, окъумагъан – джарсыу.
- Бастасын ашагъан, хантусун да ичер.
- Аманны къуугъан, аманлыкъ табар.
- Шапа кёб болса, аш татымсыз болур.
- Ёлген эшек бёрюден къоркъмайды.
- Душманны тышы – акъ, ичи – къара.
- Байма, деб да, къууанма, джарлыма, деб да, джылама.
- Ариу джол аджал келтирмез.
- Ётюрюкню къуйругъу – бир тутум.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72