- Ётюрюк хапар аякъ тюбю бла джюрюйдю.
- Адамны бетине къарама, адетине къара.
- Ким бла джюрюсенг, аны кёзю бла кёрюнюрсе.
- Байдан умут эте, джарлыдан ёгюз багъасы къорады.
- Ачыкъ джюрекге джол – ачыкъ.
- Алма терегинден кери кетмез.
- Джаз бир кюнню джатсанг, къыш талай кюнню абынырса.
- Джол бла сёзню къыйыры джокъ.
- Аджашханны ызындагъы кёреди, джангылгъанны джанындагъы биледи.
- Билимден уллу байлыкъ джокъду.
- Уруну арты – къуру.
- Бал ашаргъа сюе эсенг, чибин ургъаннга тёз.
- Тешигини къатында, чычхан да батыр болур.
- Джашлыкъ этмеген, башлыкъ этмез.
- Къая джолда джортма, ачыкъ сёзден къоркъма.
- Гырджын – тепсини тамадасы.
- Бюгюн дуния кибик, тамбла ахыратды.
- Аман адамны тепсинге олтуртсанг, къызынгы тилер.
- Хар сёзню орну барды.
- Акъыл неден да кючлюдю.
- Билмегенинги, билгеннге сор.
- Таякъ этден ётер, тил сюекден ётер.
- Айтылгъан буйрукъ, сёгюлмез
- Тилсиз миллет джокъ болур.
- Тамырсыз терекге таянма – джыгъылырса.
- Билим – акъылны чырагъы.
- Ойнаб айтсанг да, эслеб айт.
- Борчунг бар эсе, хурджунунга ойлаб узал.
- Тенгни тенглиги джашай барсанг билинир.
- Адам туугъан джеринде, ит тойгъан джеринде.
- Къыз келсе, джумуш эте келеди, къатын келсе, ушакъ эте келеди.
- Тенгинг джокъ эсе – изле, бар эсе – сакъла!
- Тилчи тилден къаныкъмаз.
- Джукъу тёшек сайламайды.
- Тас болгъан бычакъны сабы – алтын.
- Айыбны суу бла джууалмазса.
- Адамны артындан къара сабан сюрме.
- Джюрекден джюрекге джол барды.
- Иги адам абынса да, джангылмаз.
- Чомартха Тейри да борчлуду.
- Къалгъан ишге къар джауар.
- Рысхысына кёре, джаш ёсер, къышлыгъына кёре, мал ёсер.
- Чакъырылмагъан къонакъ тёрге атламаз.
- Сютден ауузу кюйген, суугъа юфгюре эди.
- Джаш къарыу бла кючлю, къарт акъыл бла кючлю.
- Тилде сюек болмаса да, сюек сындырыр.
- Тамбла алтындан бюгюн багъыр ашхы.
- Тюкюрюк баш джармаз, налат кёз чыгъармаз!
- Хар ишни да аллы къыйынды.
- Тёрде – темир таякълы, къаяда – чыпчыкъ аякълы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72