- Акъыл къартда, джашда тюйюлдю – башдады.
- Къайгъыны сюйген, къайгъы табар.
- Чомарт бергенин айтмаз.
- Аман хансны – урлугъу кёб.
- Хансыз джомакъ болмаз.
- Къыйынлы джети элни къайгъысын этер.
- Термилгенинги табмазса, кюлгенинге тюберсе.
- Къулакъдан эсе, кёзге ышан.
- Ишлегенден, къарагъан уста.
- Суу ичген шауданынга тюкюрме.
- Ишни аллы бла къууанма да, арты бла къууан.
- Намыс болмагъан джерде, насыб болмаз.
- Къонакъ кёб келюучю юйню, къазаны отдан тюшмез.
- Алма терегинден кери кетмез.
- Ышармагъан – кюлмез, кюлмеген – къууанчны билмез.
- Адамгъа аман кюн соруб келмейди.
- Насыблы элин сюер, насыбсыз кесин сюер.
- Ойнай-ойнай кёз чыгъар.
- Къан бла кирген, джан бла чыгъар.
- Халкъгъа джарагъан, джарлы къалмаз.
- Байны къызы баймакъ болса да, юйде къалмаз!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Телиге акъыл салгъандан эсе, ёлгеннге джан салырса.
- Джарлы эскисин джамаса, къууаныр.
- Билмезни кёзю кёрмез, этмезни къулагъы эшитмез.
- Кёзю сокъурдан – къоркъма, кёлю сокъурдан – къоркъ.
- Бетинги сатма, малынгы сат.
- Аманнга да, игиге да оноусуз къатышма.
- Адамны артындан къара сабан сюрме.
- Намысы болмагъанны, сыйы болмаз.
- Танг атмайма десе да, кюн къоярыкъ тюйюлдю.
- Зарда марда джокъ.
- Гугурук къычырмаса да, тангны атары къалмаз.
- Хар сёзню орну барды.
- Тик ёргени, тик энгишгеси да болады.
- Байдан умут эте, джарлыдан ёгюз багъасы къорады.
- Арпа, будай – ащды, алтын, кюмюш а – ташды.
- Таугъа чыгъаллыкъ эсенг, тюзде къалма.
- Кёкдеги болмаса, джердегин кёрмейди.
- Адамны джюреги нени кёрюрге сюйсе, кёзю да аны кёрюрге ёч болады.
- Урама да – ёледи, сатама да – келеди.
- Билим – акъылны чырагъы.
- Къарыусузгъа кюлме, онгсузгъа тийме.
- Акъыллы айтыр эди, акъылсыз къоймайды.
- Сагъыш – къартлыкъгъа сюйюмчю.
- Иги бла джюрюсенг, джетерсе муратынга, аман бла джюрюсенг, къалырса уятха.
- Къарнынг ауруса, ауузунгу тый
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чомарт къолда мал къалмаз.
- Къарны аманнга къазан такъдырма, къолу аманнга от джакъдырма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72