Эльбрусоид :: Форум :: Архив форумов

Рысхысына кёре, джаш ёсер, къышлыгъына кёре, мал ёсер.
Сормай – алма, чакъырылмай – барма.
Къазанчы аман болса, къазаны къайнамаз.
Джаш болсун, къыз болсун, акъылы, саны тюз болсун.
Чомарт къонакъ юй иесин сыйлар.
Кесинге джетмегенни, кёб сёлешме.
Тели турса – той бузар.
Джыгъылгъанны сырты джерден тоймаз.
Чакъырылмай келген къонакъ сыйланмай кетер.
Ёпкелегенни ашы татлы болады.
Ач къалгъандан, кеч къалгъан къолай.
Кёл – къызбай, къол – батыр.
Баргъанынга кёре болур келгенинг.
Кёб джашагъан – кёб билир.
Таукел тауну аудурур.
Уллу айтханны этмеген – уллаймаз.
Халкъгъа джарагъан, джарлы къалмаз.
Айтылгъан сёз ызына къайтмаз.
Мал кёб болса, джууукъ кёб болур.
Аманны къуугъан, аманлыкъ табар.
Къралынгы – душмандан, башынгы от бла суудан сакъла.
Кесине гебен этелмеген, биреуге черен эте эди.
Агъач – джерни чырайы, кийим – эрни чырайы.
Кёзден кетген, кёлден да кетеди.
Эллинг бла джау болсанг да, юйюнг бла джау болма.
Окъугъан озар, окъумагъан тозар.
Аманнга алтын чыдамаз.
Ач къарным, тынч къулагъым.
Суугъа – чабакъ, къаягъа – ыргъакъ.
Аджалсыз ёлюм болмаз.
Эшекге миннген – биринчи айыб, андан джыгъылгъан – экинчи айыб.
Таякъ этден ётер, тил сюекден ётер.
Эл ауузу – элек, анга ийнаннган – халек.
Иги сёз – джаннга азыкъ, аман сёз башха – къазыкъ.
Тёзгеннге, джабылгъан эшик ачылыр.
Юй кюйдю да, кюйюз чыкъды, ортасындан тюйюш чыкъды.
Къыйынлы джети элни къайгъысын этер.
Ашхы сёз таш тешер.
Ат да турмайды бир териде.
Кёб къычыргъандан – къоркъма, тынч олтургъандан – къоркъ.
Чакъырылмагъан къонакъ – орунсуз.
Къайгъыны сюйген, къайгъы табар.
Къызын тута билмеген, тул этер, джашын тута билмеген, къул этер.
Азыгъы аз, алгъа къабар, аты аман, алгъа чабар.
Билеги кючлю, бирни джыгъар, билими кючлю, мингни джыгъар.
Хантына кёре тузу, юйюне кёре къызы.
Эр сокъур болсун, къатын тилсиз болсун.
Къалгъан ишге къар джауар.
Айранны сюйген, ийнек тутар.
Кёзю сокъурдан – къоркъма, кёлю сокъурдан – къоркъ.

Логин:
Пароль:
	Запомнить меня на этом компьютере

Забыли свой пароль?
Регистрация