- Бермеген къол, алмайды.
- Ишленмеген джаш – джюгенсиз ат, ишленмеген къыз – тузсуз хант.
- Иги сеники эсе да, сюйген кесимикин этеме.
- Джыланны къуйругъундан басарынг келсе, аны башы болгъанын унутма.
- Джырчы джырчыгъа – къарнаш.
- Тура эдим джата, къайдан чыкъды хата?
- Агъач – джерни чырайы, кийим – эрни чырайы.
- Сагъыш – къартлыкъгъа сюйюмчю.
- Бети бедерден, намыс сакълама.
- Этни да ашады, бетни да ашады.
- Эл тойса, тоймагъан, эл къойса, къоймагъан.
- Аджалсыз ёлюм болмаз.
- Акъыл къартда, джашда тюйюлдю – башдады.
- Адеб этмеген, адеб кёрмез.
- Къумурсхала джыйылсала, пилни да джыгъадыла.
- Бозаны арты дауур болур.
- Джырына кёре эжиую.
- Эркиши – от, тиширыу – суу.
- Тенгни тенглиги джашай барсанг билинир.
- Юйюнг бла джау болгъандан эсе, элинг бла джау бол.
- Къыз келсе, джумуш эте келеди, къатын келсе, ушакъ эте келеди.
- Хоншуну тауугъу къаз кёрюнюр, келини къыз кёрюнюр.
- Билим – акъылны чырагъы.
- Айраннга суу къош, телиге джол бош.
- Намыс сатылыб алынмайды.
- Ичимден чыкъды хата, къайры барайым сата?
- Таш бла ургъанны, аш бла ур.
- Ёнгкюч къууана барыр, джылай келир.
- Кёз – сюйген джерде, къол – ауругъан джерде.
- Джангыз торгъай джырламаз.
- Уллу атлама – абынырса, уллу къабма – къарылырса.
- Ашхылыкъ джерде джатмайды, аманлыкъ суугъа батмайды.
- Айтылгъан буйрукъ, сёгюлмез
- Тойгъан антын унутур.
- Тюзлюк тас болмайды.
- Тынгылагъан тынгы бузар.
- Кийимни бичсенг, кенг бич, тар этген къыйын тюлдю.
- Къарт бла баш аша, джаш бла аякъ аша.
- Тюкюрюк баш джармаз, налат кёз чыгъармаз!
- Ётген ёмюр – акъгъан суу.
- Ёлген эшек бёрюден къоркъмайды.
- Тилчи бир сагъатха айлыкъ хата этер.
- Окъумагъан сокъурду, сокъур ташха абыныр!
- Джюрекден джюрекге джол барды.
- Аман эсирсе, юйюн ояр.
- Таула не мийик болсала да, аууш табылыр.
- Адамны сабийин сюйген джюреги, бычакъча, джитиди.
- Билгенни къолу къарны джандырыр.
- Ётюрюкню башын керти кесер.
- Чалманны аллы къалай башланса, арты да алай барады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72