- Ёксюзню тилеги къабыл болур.
- Баш болса, бёрк табылыр.
- Баш – акъыл ючюн, акъылман – халкъ ючюн.
- Бастасын ашагъан, хантусун да ичер.
- Башда акъыл болмаса, эки аякъгъа кюч джетер.
- Аджаллыгъа окъсуз шкок атылыр.
- Болджал ишни бёрю ашар.
- Айтхан – тынч, этген – къыйын.
- Ач, тоймам, дейди, тойгъан, ач болмам, дейди.
- Ётюрюкню башын керти кесер.
- Башланнган иш битер, къымылдагъан тиш тюшер.
- Кёзню ачылгъаны – иги, ауузну джабылгъаны – иги.
- Ойнай билмеген, оюн бузар.
- Эли джокъну – кёлю джокъ.
- Татлы тилде – сёз ариу, чемер къолда – иш ариу.
- Билген билмегенни юретген адетди.
- Иги адам абынса да, джангылмаз.
- Ойнаб айтсанг да, эслеб айт.
- Ана – юйню кюн джарыгъы.
- Терек ауса, отунчу – кёб.
- Ашхы – джыяр, аман – джояр.
- Эл элде бирер малынг болгъандан эсе, бирер тенгинг болсун.
- Чомарт къолда мал къалмаз.
- Акъдан къара болмаз.
- Эки элинги тыйсанг, джети элде махталырса.
- Къызын тута билмеген, тул этер, джашын тута билмеген, къул этер.
- Кёзден кетген, кёлден да кетеди.
- Эшекге миннген – биринчи айыб, андан джыгъылгъан – экинчи айыб.
- Ишин билген, аны сыйын чыгъарады.
- Къартны сыйын кёрмеген, къартлыгъында сыйлы болмаз.
- Окъдан джара эртде-кеч болса да бителир, сёз джара, ёмюрге къалыр.
- Кесинге джетмегенни, кёб сёлешме.
- Тойчу джашха къарама, къойчу джашха къара.
- Джетген къыз джерли эшекни танымаз.
- Адеб этмеген, адеб кёрмез.
- Ёлмесенг да, къарт дамы болмазса?
- Ана къолу ачытмаз.
- Башсыз урчукъ тюзюне айланмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кеси юйюмде мен да ханма.
- Къызгъанчдан ычхыныр, мухардан ычхынмаз.
- Намыс болмагъан джерде, насыб болмаз.
- Ишлегенден, къарагъан уста.
- Душманны тышы – акъ, ичи – къара.
- Аллахха ийнаннган кишини, Аллах онгдурур ишин.
- Къолу уллу – асыу, аягъы уллу – джарсыу.
- Ач къалгъандан, кеч къалгъан къолай.
- Кёз – сюйген джерде, къол – ауругъан джерде.
- Билимден уллу байлыкъ джокъду.
- Тойгъа алгъа да барма, тойда артха да къалма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72