- Ач къарынны, токъ билмез
- Кесине гебен этелмеген, биреуге черен эте эди.
- Зарда марда джокъ.
- Аманны эки битли тону болур, бирин сеннге кийдирир, бирин кеси киер.
- Хунаны тюбюн къазсанг, юсюнге ауар.
- Душманны тышы – акъ, ичи – къара.
- Кёбге таш атма.
- Башда акъыл болмаса, эки аякъгъа кюч джетер.
- Ашлыкъ – бюртюкден, джюн – тюкден.
- Окъ къызбайны джокълайды.
- Эл элде бирер малынг болгъандан эсе, бирер тенгинг болсун.
- Гыдай эчки суугъа къараб, мюйюзле кёрмесе, джашма алкъын, дегенди.
- Сабий болмагъан джерде, мёлек болмаз.
- Aдам боллукъ, сыфатындан белгили.
- Аджашханны ызындагъы кёреди, джангылгъанны джанындагъы биледи.
- Атадан ёксюз – бир ёксюз, анадан ёксюз – эки ёксюз.
- Иги сёз – джаннга азыкъ, аман сёз башха – къазыкъ.
- Тюзлюк тас болмайды.
- Билмегенинги, билгеннге сор.
- Аман адам этегингден тутса, кес да къач.
- Къыз тиширыу кеси юйюнде да къонакъды.
- Джаралыны джастыгъында сау ёлюр.
- Акъыл неден да кючлюдю.
- Эшекге миннген – биринчи айыб, андан джыгъылгъан – экинчи айыб.
- Тойгъа барсанг, тоюб бар, эски тонунгу къоюб бар.
- Ашаса, ашамаса да, бёрюню ауузу – къан.
- Аман хансны – урлугъу кёб.
- Биреу ашаб къутулур, биреу джалаб тутулур.
- Уллу суу бла уллу ауруудан башынгы сакъла.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эринчекни эр алмаз, эр алса да, кёл салмаз, кёл салса да, кёб бармаз!
- Нафысынгы айтханын этме, намысынгы айтханын эт.
- Къарыусузгъа кюлме, онгсузгъа тийме.
- Аууздан келген, къолдан келсе, ким да патчах болур эди.
- Ким бла джюрюсенг, аны кёзю бла кёрюнюрсе.
- Болджал ишни бёрю ашар.
- Эл ауузу – элия.
- Кийиминг бла танылма, адамлыкъ бла таныл.
- Къыз чыгъаргъан – къызыл къымжа.
- Суу кетер, таш къалыр.
- Къоркъакъны кёзю экили кёрюр.
- Игини сыйлагъан адетди.
- Сыфатында болмагъаны, суратында болмаз.
- Бек ашыкъгъан меннге джетсин, дегенди аракъы.
- Аякъларынгы джууургъанынга кёре узат.
- Тенгинг джокъ эсе – изле, бар эсе – сакъла!
- Ханнга да келеди хариблик.
- Акъыллы эркиши атын махтар, акъылсыз эркиши къатынын махтар.
- Таула не мийик болсала да, аууш табылыр.
- Кёрмегеннге кебек – танг, битмегеннге сакъал – танг.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72