- Танг атмайма десе да, кюн къоярыкъ тюйюлдю.
- Ачыкъ джюрекге джол – ачыкъ.
- Юйюнг бла джау болгъандан эсе, элинг бла джау бол.
- Дуния мал дунияда къалады.
- Экеулен сёлеше тура эселе, орталарына барыб кирме.
- Ач бёрюге мекям джокъ.
- Тилсиз миллет джокъ болур.
- Юйюнгден чыкъдынг – кюнюнгден чыкъдынг.
- Шайтан алдады, тюзлюк къаргъады.
- Гитче джилтин уллу элни джандырыр.
- Башы джабылгъан челекге, кир тюшмез.
- Тёзгеннге, джабылгъан эшик ачылыр.
- Мураты болгъанны джюрек тебюую башхады.
- Аллахха ийнаннган кишини, Аллах онгдурур ишин.
- Онгсузну – джакъла, тенгликни – сакъла.
- Эте билген, этген этеди, эте билмеген, юретген этеди!
- Адебни адебсизден юрен.
- Юре билмеген ит, къонакъ келтирир.
- Тай асырагъан, атха минер.
- Эки элинги тыйсанг, джети элде махталырса.
- Айтылгъан сёз ызына къайтмаз.
- Ариу – кёзге, акъыл – джюрекге.
- Тау башында, тау болмаз, джангыз терек, бау болмаз.
- Кёб джат да, бек чаб.
- Ашарыкъда сайлагъаннга – чий гырджын.
- Уллу къашыкъ эрин джыртар.
- Ашда – бёрю, ишде – ёлю.
- Сакъалы текени да бар, мыйыгъы киштикни да бар.
- Агъач халкъгъа алтынды, иссиликге салкъынды.
- Насыб бютеу халкъны юлюшюдю.
- Таукелге нюр джауар.
- Нарт сёз – тилни бети.
- Башы ишлегенни, ауузу да ишлер.
- Джети тилни билген джети кишиди.
- Таякъ этден ётер, тил сюекден ётер.
- Сескекли кесин билдирир.
- Окъдан джара эртде-кеч болса да бителир, сёз джара, ёмюрге къалыр.
- Айранны сюйген, ийнек тутар.
- Ёпкелегенни ашы татлы болады.
- Билимли ёлмез, билимсиз кёрмез.
- Кюн кёрмеген, кюн кёрсе, кюндюз чыракъ джандырыр.
- Байлыкъ болгъан джерде, тынчлыкъ джокъду.
- Иги адам абынса да, джангылмаз.
- Ауругъаннга – кийик саулукъ, джетген къызгъа – чилле джаулукъ.
- Джаз бир кюнню джатсанг, къыш талай кюнню абынырса.
- Бет бетге къараса, бет да джерге къарар.
- Эринчекни аурууу – кёб.
- Къарт бла баш аша, джаш бла аякъ аша.
- Къатын къылыкъсыз, эр тынчлыкъсыз.
- Адеб этмеген, адеб кёрмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72