- Нёгерсизни джолу узун.
- Айыбны суу бла джууалмазса.
- Бети къызарыучу адамны, джюреги харам болмаз.
- Бети – къучакълар, джюреги – бычакълар.
- Кесинг сынамагъан затны, адамгъа буюрма.
- Сёлеш деб шай берген, тохта деб, сом берген.
- Келинни – келгинчи, бёркню кийгинчи кёр.
- Ёлюк кебинсиз къалмаз.
- Мен да «сен», дейме, сен да «кесим», дейсе.
- Агъач – джерни чырайы, кийим – эрни чырайы.
- Гыдай эчки суугъа къараб, мюйюзле кёрмесе, джашма алкъын, дегенди.
- Къоркъакъны кёзю экили кёрюр.
- Кюл тюбюндеги от кёрюнмейди.
- Чомартны къолун джокълукъ байлар.
- Адам боллукъ, атламындан белгили болур.
- Акъыл бла адеб эгизледиле.
- Асхат ашлыкъ сата, юйдегиси ачдан къата.
- Биреу къой излей, биреу той излей.
- Кёбню кёрген – кёб билир.
- Бастасын ашагъан, хантусун да ичер.
- Аз сёлешген, къайгъысыз турур.
- Джаш болсун, къыз болсун, акъылы, саны тюз болсун.
- Атынг аманнга чыкъгъандан эсе, джанынг тамагъынгдан чыкъсын.
- Адамны сабийин сюйген джюреги, бычакъча, джитиди.
- Аш берме да, къаш бер.
- Окъ къызбайны джокълайды.
- Азыкълы ат арымаз, къатыны аман джарымаз.
- Эки къатын алгъанны къулагъы тынгнгаймаз.
- Керилген да, ургъан кибикди.
- Тёгюлген тюгел джыйылмайды.
- Ауузу бла къуш тута айланады.
- Игини сыйлагъан адетди.
- Къызны минг тилер, бир алыр.
- Джыйырма къойну юч джыйырма эбзе кюте эди.
- Алма терегинден кери кетмез.
- Билими азны – ауузунда кирит.
- Игиге айтсанг – билир, аманнга айтсанг – кюлюр.
- Эл ауузу – элек, анга ийнаннган – халек.
- Иги адамны бир сёзю эки болмаз.
- Ата – билек, ана – джюрек!
- Танг атмайма десе да, кюн къоярыкъ тюйюлдю.
- Бюгюн дуния кибик, тамбла ахыратды.
- Ашлыкъны арба юйге келтирир, чана базаргъа элтир.
- Тойгъан джерге джети къайт.
- Эки элинги тыйсанг, джети элде махталырса.
- Ачлыкъда тары гырджын халыуадан татлы.
- Уллу суу бла уллу ауруудан башынгы сакъла.
- Джюрекге ариу – кёзге да ариу.
- Аман эсирсе, юйюн ояр.
- Ач да бол, токъ да бол – намысынга бек бол.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72