- Джангыз терек къынгыр ёсер.
- Шапа кёб болса, аш татымсыз болур.
- Башынга джетмегенни сорма.
- Хаухну атма, ёнгкючню сатма.
- Хансыз джомакъ болмаз.
- Адамны сабийин сюйген джюреги, бычакъча, джитиди.
- Ач да бол, токъ да бол – намысынга бек бол.
- Таукел тауну аудурур.
- Хар ишни да аллы къыйынды.
- Атлыны ашхысы, ат тизгининден билинир
- Босагъа таш юйге кирмей эди, тыбыр таш эшикге чыкъмай эди.
- Насыблы элин сюер, насыбсыз кесин сюер.
- Ёмюрлюк шохлукъну джел элтмез.
- Бозанг болмагъан джерге, къалагъынгы сукъма.
- Адамны аты башхача, акъылы да башхады.
- Ёгюзню мюйюзлери ауурлукъ этмейдиле.
- Адам къаллай бир ишленмесе, аллай бир кесин уллу кёреди.
- Шекер бла туз – бир болмаз, ушамагъан – юй болмаз.
- Кирсизни – саны таза, халалны – къаны таза.
- Тойну къарнашы – харс, джырны къарнашы – эжиу.
- Тюзлюк шохлукъну бегитир.
- Ариу джол аджал келтирмез.
- Бек анасы джыламаз.
- Байлыкъ адамны сокъур этер.
- Ашхы атаны – джашы ашхы, ашхы ананы – къызы ашхы.
- Тойгъандан сора, ашны сёкме.
- Нёгер болсанг, тенг бол, тенг болмасанг, кенг бол.
- Ашыкъгъан cуу, тенгизге джетмез.
- Кёл ашады да, кеси ашады.
- Къыз тиширыу кеси юйюнде да къонакъды.
- Дуния малгъа сатылма, кесингден телиге къатылма.
- Къоркъакъны кёзю экили кёрюр.
- Тамбла алтындан бюгюн багъыр ашхы.
- Къралынгы – душмандан, башынгы от бла суудан сакъла.
- Ишин билген, аны сыйын чыгъарады.
- Адеб джокъда, намыс джокъ.
- Чёбню кёлтюрсенг, тюбюнден сёз чыгъар.
- Джетген къыз джерли эшекни танымаз.
- Акъыл неден да кючлюдю.
- Джан саулукъ бермей, сан саулукъ бермезсе.
- Тойгъан антын унутур.
- Ач уят къоймаз.
- Джуртун къоругъан озар.
- Мал кёб болса, джууукъ кёб болур.
- Акъыллы эркиши атын махтар, акъылсыз эркиши къатынын махтар.
- Келгинчи, къонакъ уялыр, келгенден сора, къонакъбай уялыр.
- Къаллай салам берсенг, аллай джууаб алырса.
- Ариу сёзде ауруу джокъ.
- Экеулен сёлеше тура эселе, орталарына барыб кирме.
- Ётюрюкден тюбю джокъ, кёлтюрюрге джиби джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72