- Арбаз сайлама да, хоншу сайла.
- Аш иеси бла татлыды.
- Акъыл неден да кючлюдю.
- Аш берме да, къаш бер.
- Тойгъа алгъа да барма, тойда артха да къалма.
- Олтуруб кёрюнмей эди да, ёрге туруб кёрюне эди.
- Айтылгъан сёз ызына къайтмаз.
- Ичимден чыкъды хата, къайры барайым сата?
- Ат да турмайды бир териде.
- Аманнга алтын чыдамаз.
- Джырчы ёлсе, джыры къалыр.
- Кёб джашагъан – кёб билир.
- Сакъалы текени да бар, мыйыгъы киштикни да бар.
- Кёзню ачылгъаны – иги, ауузну джабылгъаны – иги.
- Ариу – кёзге, акъыл – джюрекге.
- Уллу айтханны этмеген – уллаймаз.
- Билим насыб берир, билим джолну керир.
- Ханы къызы буюгъа-буюгъа киштик болду.
- Экеу тутушса, биреу джыгъылыр.
- Чомартны къолу берекет.
- Сёлеш деб шай берген, тохта деб, сом берген.
- Кёпюр салгъан кеси ётер, уру къазгъан кеси кетер.
- Кесинге джетмегенни, кёб сёлешме.
- Ач къарным, тынч къулагъым.
- Мал ёлсе, сюек къалыр, адам ёлсе, иши къалыр.
- Чомартны къолун джокълукъ байлар.
- Алим болгъандан эсе, адам болгъан къыйынды.
- Ачлыкъда тары гырджын халыуадан татлы.
- Байлыкъ келсе, акъыл кетер.
- Чакъырылмагъан къонакъ къачан кетерин сормаз.
- Акъыл бла адеб эгизледиле.
- Джукъу тёшек сайламайды.
- Бал – татлы, балдан да бала – татлы.
- Алтыда кюлмеген, алтмышда кюлмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ойнай билмеген, уруб къачар.
- Элни кючю – эмеген.
- Эркиши – от, тиширыу – суу.
- Джахил болса анасы, не билликди баласы?
- Келлик заман – къартлыкъ келтирир, кетген заман – джашлыкъ ёлтюрюр.
- Тилсиз миллет джокъ болур.
- Джюз элде джюз ёгюзюм болгъандан эсе, джюз джууугъум болсун.
- Сакъ юйюне сау барыр.
- Душманны тышы – акъ, ичи – къара.
- Кийимни бичсенг, кенг бич, тар этген къыйын тюлдю.
- Адамны сабийин сюйген джюреги, бычакъча, джитиди.
- Къуллукъчума, деб махтанма, къуллукъ – хаух джамчыды!
- Къулакъдан эсе, кёзге ышан.
- Аджал соруб келмез, келсе, къайтыб кетмез.
- Эте билген, этген этеди, эте билмеген, юретген этеди!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72