- Акъыллы айтыр эди, акъылсыз къоймайды.
- Ашда уялгъан – мухар, ишде уялгъан – хомух.
- Кёл – къызбай, къол – батыр.
- Аман адамны тепсинге олтуртсанг, къызынгы тилер.
- От этилмеген джерден тютюн чыкъмайды.
- Тау башында, тау болмаз, джангыз терек, бау болмаз.
- Чёбню кёлтюрсенг, тюбюнден сёз чыгъар.
- Ётюрюкчюню шагъаты – къатында.
- Хатерли къул болур.
- «Ёгюз, джаргъа джууукъ барма, меннге джюк боллукъса», - дегенди эшек.
- Ишни аллы бла къууанма да, арты бла къууан.
- Адам къыйынлыгъын кёлтюрюр, зауукълугъун кёлтюрмез.
- Тенгни тенглиги джашай барсанг билинир.
- Джылкъыдан – ат чыгъар, тукъумдан – джаш чыгъар.
- Къатын байлыкъны сюер, эр саулукъну сюер.
- Чакъырылмагъан къонакъ тёрге атламаз.
- Ёлген ийнек сютлю болур.
- Иги сёз – джаннга азыкъ, аман сёз башха – къазыкъ.
- Башынга джетмегенни сорма.
- Байлыкъ келсе, акъыл кетер.
- Рысхысына кёре, джаш ёсер, къышлыгъына кёре, мал ёсер.
- Игилик игилик бла сингдирилиучю затды.
- Кёбге таш атма.
- Аууз сакълагъан – джан сакълар.
- Къартны бурнун сюрт да, оноугъа тут.
- Алма терегинден кери кетмез.
- Кёзюнде тереги болгъан, чёбю болгъаннга кюле эди.
- Сакъламагъан затынга джолукъсанг, не бек къууанаса, не бек ачыйса.
- Шекер бла туз – бир болмаз, ушамагъан – юй болмаз.
- Эркиши – от, тиширыу – суу.
- Адам туугъан джеринде, ит тойгъан джеринде.
- Башсыз урчукъ тюзюне айланмаз.
- Эте билген, этген этеди, эте билмеген, юретген этеди!
- Бозанг болмагъан джерге, къалагъынгы сукъма.
- Ач да бол, токъ да бол – намысынга бек бол.
- Ариу джол аджал келтирмез.
- Ауругъаннга – кийик саулукъ, джетген къызгъа – чилле джаулукъ.
- Ашыкъгъанны этеги бутуна чырмалыр.
- Тамбла алтындан бюгюн багъыр ашхы.
- Ётген ёмюр – акъгъан суу.
- Келинин тута билмеген, къул этер, къызын тута билмеген, тул этер.
- Ачлыкъда тары гырджын халыуадан татлы.
- Минг тенг да азды, бир джау да кёбдю.
- Халкъны юйю – туугъан джери.
- Сибиртки да сыйлы болду, кюрек да кюнлю болду.
- Айныгъанлы алты кюн, тогъайгъанлы тогъуз кюн.
- Къонакъ аз олтурур, кёб сынар.
- Къарын къуру болса, джюрек уру болур.
- Окъумагъан сокъурду, сокъур ташха абыныр!
- Керилген да, ургъан кибикди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72