- Ашатыргъа иш – ашхы, ишлетирге аш – ашхы.
- Кюл тюбюндеги от кёрюнмейди.
- Сакъ юйюне сау барыр.
- Нарт сёз къарт болмаз.
- Сакъламагъан затынга джолукъсанг, не бек къууанаса, не бек ачыйса.
- Адамны сыфатына къарама, сёзюне къара.
- Кийимни бичсенг, кенг бич, тар этген къыйын тюлдю.
- Ёгюзню мюйюзюнден тутадыла, адамны сёзюнден тутадыла.
- Эте билген, этген этеди, эте билмеген, юретген этеди!
- Уллу сёлешме да, уллу къаб.
- Ашын ашагъанынгы, башын да сыйла.
- Бал ашаргъа сюе эсенг, чибин ургъаннга тёз.
- Ариу сёз – джаннга азыкъ, аман сёз – башха къазыкъ.
- Экеу тутушса, биреу джыгъылыр.
- Чакъырылгъанны аты, чакъырылмагъанны багъасы болур.
- Дуния аламаты сен эсенг да, игиме деб айтма.
- Аш иеси бла татлыды.
- Ашхы атаны – джашы ашхы, ашхы ананы – къызы ашхы.
- Ёксюзню къалачы уллу кёрюнюр.
- Киштикге къанат битсе, чыпчыкъ къалмаз эди.
- Кёзден кетген, кёлден да кетеди.
- Соргъан айыб тюлдю, билмеген айыбды.
- Элге къуллукъ этмеген, элге ие болмаз.
- Эринчекни аурууу – кёб.
- Къозулугъунда тоймагъан, къойлугъунда тоймаз.
- Мен да «сен», дейме, сен да «кесим», дейсе.
- Байлыкъдан саулукъ ашхыды.
- Башда акъыл болмаса, эки аякъгъа кюч джетер.
- Ётген ёмюр – акъгъан суу.
- Махтаннган къыз, тойда джукълар.
- Бёрю да ач къалмасын, эчки да ашалмасын.
- Тас болгъан бычакъны сабы – алтын.
- Юй ишлеген балта эшикде къалыр.
- Шекер бла туз – бир болмаз, ушамагъан – юй болмаз.
- Къайгъыны сюйген, къайгъы табар.
- Тойчу джашха къарама, къойчу джашха къара.
- Уллу сёзде уят джокъ.
- Чакъырылмай келген къонакъ сыйланмай кетер.
- Ашхы сёз таш тешер.
- Эртде тургъан бла эртде юйленнген сокъуранмаз.
- Джашны джигитлиги сорулур, къызны джигерлиги сорулур.
- Тюкюрюк баш джармаз, налат кёз чыгъармаз!
- Сабыр джетер муратха, сабырсыз къалыр уятха.
- Къан бла кирген, джан бла чыгъар.
- Къарнынг ауруса, ауузунгу тый
- Тёзген – тёш ашар!
- Келинин тута билмеген, къул этер, къызын тута билмеген, тул этер.
- Байлыкъ келсе, акъыл кетер.
- Джашлыкъ этмеген, башлыкъ этмез.
- Мени джылытмагъан кюн, меннге тиймесин!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72