- Кёзню ачылгъаны – иги, ауузну джабылгъаны – иги.
- Тюзню ётмеги тюзде къалса да, тас болмаз.
- Кёл ашады да, кеси ашады.
- Аманны къуугъан, аманлыкъ табар.
- Тилчиден кери бол.
- Атлыны ашхысы, ат тизгининден билинир
- Алтыда кюлмеген, алтмышда кюлмез.
- Эри аманны, къатыны – аман.
- Айтылгъан буйрукъ, сёгюлмез
- «Ёгюз, джаргъа джууукъ барма, меннге джюк боллукъса», - дегенди эшек.
- Халкъны джырын джырласанг, халкъ санга эжиу этер.
- Чарсда алчыны эл кёреди.
- Ойнай-ойнай кёз чыгъар.
- Уллу суу бла уллу ауруудан башынгы сакъла.
- Ач къарынны, токъ билмез
- Кёз – сюйген джерде, къол – ауругъан джерде.
- Джюз элде джюз ёгюзюм болгъандан эсе, джюз джууугъум болсун.
- Ишлемеген – тишлемез.
- Эркиши – от, тиширыу – суу.
- Ашхы адам – халкъ байлыгъы, ашхы джер – джашау байлыгъы.
- Аман эсирсе, юйюн ояр.
- Ишленмеклик адамлыкъды.
- Ашха уста, юйюнде болсун
- Тойгъандан сора, ашны сёкме.
- Ёгюзню мюйюзюнден тутадыла, адамны сёзюнден тутадыла.
- Тили узунну, намысы – къысха.
- Дуния мал дунияда къалады.
- Тёрдеги кюлсе, эшикдеги ышарыр.
- Мадар болса, къадар болур.
- Ишге юренсин къоллары, халкъ бла болсун джоллары.
- Уруну арты – къуру.
- Хаухну атма, ёнгкючню сатма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Айырылгъанланы айю ашар, бёлюннгенлени бёрю ашар.
- Ата Джуртуму башы болмасам да, босагъасында ташы болайым.
- Нафысынгы айтханын этме, намысынгы айтханын эт.
- Чомартны къолун джокълукъ байлар.
- Шекер бла туз – бир болмаз, ушамагъан – юй болмаз.
- Арбаз сайлама да, хоншу сайла.
- Къонакъ болсанг, ийнакъ бол.
- Хансыз джомакъ болмаз.
- Къазанда болса, чолпугъа чыгъар.
- Эки къатын алгъанны къулагъы тынгнгаймаз.
- Окъугъанны бети джарыкъ.
- Азыкъ аз болса, эртде орун сал.
- Ашхылыкъ джерде джатмайды, аманлыкъ суугъа батмайды.
- Игини сыйлагъан адетди.
- Иги адам абынса да, джангылмаз.
- Кирсизни – саны таза, халалны – къаны таза.
- Биреу ашаб къутулур, биреу джалаб тутулур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72