- Адам туугъан джеринде, ит тойгъан джеринде.
- Чомартны къолун джокълукъ байлар.
- Билмейме деген – бир сёз
- Танг атмайма десе да, кюн къоярыкъ тюйюлдю.
- Ишлерге уял да, ашаргъа табма.
- Ашатыргъа иш – ашхы, ишлетирге аш – ашхы.
- Ашха уста, юйюнде болсун
- Накъырда – кертини келечиси.
- Ургъан суудан башынгы сакъла.
- Биреуню эскиси биреуге джангы болмайды.
- Джаз бир кюнню джатсанг, къыш талай кюнню абынырса.
- Къарт айтханны этмеген, къартаймаз.
- Уллу суу бла уллу ауруудан башынгы сакъла.
- Ашын ашагъанынгы, башын да сыйла.
- Рысхы – сют юсюнде кёмюк кибикди.
- Аш берме да, къаш бер.
- Атадан ёксюз – бир ёксюз, анадан ёксюз – эки ёксюз.
- Керти сёзге тёре джокъ.
- Къошда джокъгъа – юлюш джокъ.
- Миллетни бойну – базыкъ, аны бла кюрешген – джазыкъ.
- Къонагъынгы артмагъын алма да, алгъышын ал.
- Уллу къазанда бишген эт, чий къалмаз.
- Игини сыйлагъан адетди.
- Тюзлюк тас болмайды.
- Арпа, будай – ащды, алтын, кюмюш а – ташды.
- Кёл – къызбай, къол – батыр.
- Байлыкъ келсе, акъыл кетер.
- Алтыннга тот къонмаз.
- Киштикге къанат битсе, чыпчыкъ къалмаз эди.
- Ёзденликни кёбю ётюрюк.
- Кирсизни – саны таза, халалны – къаны таза.
- Эте билген, этген этеди, эте билмеген, юретген этеди!
- Акъыллы айтыр эди, акъылсыз къоймайды.
- Къралынгы – душмандан, башынгы от бла суудан сакъла.
- Босагъагъа джууукъ орун болса, ашыгъыб тёрге озма.
- Босагъа таш юйге кирмей эди, тыбыр таш эшикге чыкъмай эди.
- Ашлыкъ – бюртюкден, джюн – тюкден.
- Джукъу тёшек сайламайды.
- Билген билмегенни юретген адетди.
- Таш бла ургъанны, аш бла ур.
- Нарт сёз – тилни бети.
- Экиндини кеч къылсанг, чабыб джетер ашхам.
- Чабакъгъа акъыл, табагъа тюшсе келеди.
- Ётюрюкню къуйругъу – бир тутум.
- Кимни – тили, тиши онглу, кимни – къолу, иши онглу.
- Гырджын – тепсини тамадасы.
- Урунуу – насыбны анасы.
- Къар – келтирди, суу – элтди.
- Адамны адамлыгъы къыйынлыкъда айгъакъланады.
- Сёз – кюмюш, джыр – алтын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72