- Насыблы элин сюер, насыбсыз кесин сюер.
- Эркишини аманы тиширыуну джылатыр.
- Ат да турмайды бир териде.
- Биреу ашаб къутулур, биреу джалаб тутулур.
- Тамбла алтындан бюгюн багъыр ашхы.
- Эр сокъур болсун, къатын тилсиз болсун.
- Адамны сыфатына къарама, сёзюне къара.
- Ашыкъгъанны этеги бутуна чырмалыр.
- Аз сёлешген, къайгъысыз турур.
- Юре билмеген ит, къонакъ келтирир.
- Аманны тукъумуна къарама, игини тукъумун сорма.
- Чабакъсыз кёлге къармакъ салгъанлыкъгъа, чабакъ тутмазса.
- Бети къызарыучу адамны, джюреги харам болмаз.
- Бозаны арты дауур болур.
- Рысхы – сют юсюнде кёмюк кибикди.
- Элде адам къалмаса, ит тахтагъа минер.
- Магъанасыз сёз – тауушсуз сыбызгъы.
- Джаным-тиним – окъуу, билим.
- Джюрекге ариу – кёзге да ариу.
- Къазанчы аман болса, къазаны къайнамаз.
- Джолунга кёре – джюрюшюнг, джагъанга кёре – юлюшюнг.
- Сютню башын джалагъан къутулур, тюбюн ичген тутулур.
- Джолда аягъынга сакъ бол, ушакъда тилинге сакъ бол.
- Къулакъдан эсе, кёзге ышан.
- Аджал соруб келмез, келсе, къайтыб кетмез.
- Ач келгенни – тойдур, кеч келгенни – къондур.
- Эллинг бла джау болсанг да, юйюнг бла джау болма.
- Ариуну – ауруу кёб.
- Ат басханны джер билед.
- Шайтан алдады, тюзлюк къаргъады.
- Элни кючю – эмеген.
- Адам къыйынлыгъын кёлтюрюр, зауукълугъун кёлтюрмез.
- Юйюнг бла джау болгъандан эсе, элинг бла джау бол.
- Ариу – кёзге, акъыл – джюрекге.
- Хар ишни да аллы къыйынды.
- Джол бла сёзню къыйыры джокъ.
- Тил – кесген бычакъ, сёз – атылгъан окъ.
- Джукъу тёшек сайламайды.
- Ачлыкъ отха секиртир.
- Тилде сюек болмаса да, сюек сындырыр.
- Байдан умут эте, джарлыдан ёгюз багъасы къорады.
- Тенгни тенглиги джашай барсанг билинир.
- Кёбден умут этиб, аздан къуру къалма.
- Халкъгъа джарагъан, джарлы къалмаз.
- Мал ёлсе, сюек къалыр, адам ёлсе, иши къалыр.
- Намысы болмагъанны, сыйы болмаз.
- Джогъун бар этген, барын бал этген.
- Атадан ёксюз – бир ёксюз, анадан ёксюз – эки ёксюз.
- Къыйынлы джети элни къайгъысын этер.
- Адамны адамлыгъы къыйынлыкъда айгъакъланады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72