- Аманны къуугъан, аманлыкъ табар.
- Кёл ашады да, кеси ашады.
- Эртде тургъан бла эртде юйленнген сокъуранмаз.
- Акъыл неден да кючлюдю.
- Биреуню къыйынлыгъы бла кесинге джол ишлеме.
- Бети – къучакълар, джюреги – бычакълар.
- Орну джокъну – сыйы джокъ.
- Къыйынлы джети элни къайгъысын этер.
- Эрине къаргъыш этген къатын, эрнин къабар.
- Адамны адамлыгъы къыйынлыкъда айгъакъланады.
- Эл элде бирер малынг болгъандан эсе, бирер тенгинг болсун.
- Эм ашхы къайын ана мамукъ бла башынгы тешер.
- Илму – джашауну джолу.
- Суугъа – чабакъ, къаягъа – ыргъакъ.
- Башсыз урчукъ тюзюне айланмаз.
- Билимли ёлмез, билимсиз кёрмез.
- Тюзлюк тас болмайды.
- Джаш болсун, къыз болсун, акъылы, саны тюз болсун.
- Тели турса – той бузар.
- «Ёгюз, джаргъа джууукъ барма, меннге джюк боллукъса», - дегенди эшек.
- Намыс болмагъан джерде, насыб болмаз.
- Ачлыкъ отха секиртир.
- Халкъгъа джарагъан, джарлы къалмаз.
- Ишленмеген джаш – джюгенсиз ат, ишленмеген къыз – тузсуз хант.
- Сёлеш деб шай берген, тохта деб, сом берген.
- Арба аугъандан сора, джол кёргюзтюучю кёб болур.
- Тенгни тенглиги джашай барсанг билинир.
- Къонагъынгы артмагъын алма да, алгъышын ал.
- Итли къонакъ джарашмаз.
- Арбаз къынгырды да, ийнек сауалмайма.
- Aдам боллукъ, сыфатындан белгили.
- Тешик этген тынчды, аны джамагъан къыйынды.
- Акъыл аздырмаз, билим тоздурмаз.
- Болджал ишни бёрю ашар.
- Магъанасыз сёз – тауушсуз сыбызгъы.
- Билим къая тешер.
- Ушамагъан – джукъмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Чоюнну башы ачыкъ болса, итге уят керекди.
- Дженгил джетерикме деб, узун джолну къоюб, къысхасын барма.
- Тёзген – тёш ашар!
- Элиб деген, элге болушур.
- Юйлю уругъа ит чабмаз.
- Ариу сёз – къылычдан джити.
- Атлыны ашхысы, ат тизгининден билинир
- Байлыкъ адамны сокъур этер.
- Чыкълы кюнде чыкъмагъан, чыкъса къуру кирмеген.
- Уллу сёлешме да, уллу къаб.
- Айтхан – тынч, этген – къыйын.
- Игиге айтсанг – билир, аманнга айтсанг – кюлюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72