- Къартны сыйын кёрмеген, къартлыгъында сыйлы болмаз.
- Къыйынлы джети элни къайгъысын этер.
- Къобан да къуру да къобханлай турмайды, адам да къуру да патчахлай турмайды.
- Бетинги сатма, малынгы сат.
- Тамырсыз терекге таянма – джыгъылырса.
- Аман адам элни бир-бирине джау этер.
- Айраннга суу къош, телиге джол бош.
- Тойгъа алгъа да барма, тойда артха да къалма.
- Сагъыш – къартлыкъгъа сюйюмчю.
- Баргъанынга кёре болур келгенинг.
- Къазанда болса, чолпугъа чыгъар.
- Этек чакъмакълары баш джаргъан, сёлешген сёзлери таш джаргъан.
- Окъугъан озар, окъумагъан тозар.
- Сютню башын джалагъан къутулур, тюбюн ичген тутулур.
- Эки къатын алгъан – эки ташны ортасына башын салгъан.
- Ашаса, ашамаса да, бёрюню ауузу – къан.
- Чомарт къолда мал къалмаз.
- Рысхы джалгъанды: келген да этер, кетген да этер.
- Тилчи тилден къаныкъмаз.
- Экиндини кеч къылсанг, чабыб джетер ашхам.
- Элде адам къалмаса, ит тахтагъа минер.
- Онгсузну – джакъла, тенгликни – сакъла.
- Айранны сюйген, ийнек тутар.
- Сормай – алма, чакъырылмай – барма.
- Кеси юйюмде мен да ханма.
- Нёгер болсанг, тенг бол, тенг болмасанг, кенг бол.
- Сибиртки да сыйлы болду, кюрек да кюнлю болду.
- Кёбден умут этиб, аздан къуру къалма.
- Айыбны суу бла джууалмазса.
- Кесине оноу эте билмеген, халкъына да эте билмез.
- Ауурну тюбю бла, дженгилни башы бла джюрюген.
- Экеу тутушса, биреу джыгъылыр.
- Джангыз терек къынгыр ёсер.
- Хар ишни да аллы къыйынды.
- Ашхы сёз таш тешер.
- Къан бла кирген, джан бла чыгъар.
- Таякъ этден ётер, тил сюекден ётер.
- Ишлемеген – тишлемез.
- Къыз чыгъаргъан – къызыл къымжа.
- Аш иеси бла татлыды.
- Адам къыйынлыгъын кёлтюрюр, зауукълугъун кёлтюрмез.
- Ата джурт – алтын бешик.
- Ариу – кёзге, акъыл – джюрекге.
- Эте билген, этген этеди, эте билмеген, юретген этеди!
- Аман къатын алгъан, арыр, иги къатын алгъан джарыр.
- Элге къуллукъ этмеген, элге ие болмаз.
- Огъурлуну сёзю – суу, огъурсузну сёзю – уу.
- Малны кют, джерни тюрт.
- Чакъырылмагъан къонакъ къачан кетерин сормаз.
- Тай асырагъан, атха минер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72