- Джукъу тёшек сайламайды.
- Сютню башын джалагъан къутулур, тюбюн ичген тутулур.
- Къартны бурнун сюрт да, оноугъа тут.
- Айтхан сёзюне табылгъан.
- Айыбны суу бла джууалмазса.
- Уллу суу бла уллу ауруудан башынгы сакъла.
- Ишлегенде эринме, ишде чолакъ кёрюнме.
- Эки къатын алгъан – эки ташны ортасына башын салгъан.
- Тойчу джашха къарама, къойчу джашха къара.
- Аман хансны – урлугъу кёб.
- Тау башында, тау болмаз, джангыз терек, бау болмаз.
- Башынга джетмегенни сорма.
- Мал тутхан – май джалар.
- Джолда аягъынга сакъ бол, ушакъда тилинге сакъ бол.
- Окъугъанны бети джарыкъ.
- Намысы джокъну – дуниясы джокъ.
- Уллу сёзде уят джокъ.
- Юй кюйдю да, кюйюз чыкъды, ортасындан тюйюш чыкъды.
- Баш – акъыл ючюн, акъылман – халкъ ючюн.
- Экеу тутушса, биреу джыгъылыр.
- Азыкълы ат арымаз, къатыны аман джарымаз.
- Ушамагъан – джукъмаз.
- Ашаса, ашамаса да, бёрюню ауузу – къан.
- Эшекни не къадар тюйсенг да, ат болмаз.
- Арба аугъандан сора, джол кёргюзтюучю кёб болур.
- Тас болгъан бычакъны сабы – алтын.
- Джаным-тиним – окъуу, билим.
- Кёб джат да, бек чаб.
- Таукелге нюр джауар.
- Чакъырылмагъан джерге барма, чакъырылгъан джерден къалма.
- Къая джолда джортма, ачыкъ сёзден къоркъма.
- Сабыр джетер муратха, сабырсыз къалыр уятха.
- Минг тенг да азды, бир джау да кёбдю.
- Биреу къой излей, биреу той излей.
- Эртде тургъан бла эртде юйленнген сокъуранмаз.
- Сютден ауузу кюйген, суугъа юфгюре эди.
- Биреуню къыйынлыгъы бла кесинге джол ишлеме.
- Бастасын ашагъан, хантусун да ичер.
- Ёксюзню къалачы уллу кёрюнюр.
- Термилгенинги табмазса, кюлгенинге тюберсе.
- Накъырда – кертини келечиси.
- Эки итни арасына сюек атма, эки адамны арасында сёз чыгъарма.
- Кёл – къызбай, къол – батыр.
- Игилик игилик бла сингдирилиучю затды.
- Кёзню ачылгъаны – иги, ауузну джабылгъаны – иги.
- Адам къаллай бир ишленмесе, аллай бир кесин уллу кёреди.
- Чыкълы кюнде чыкъмагъан, чыкъса къуру кирмеген.
- Ана къойну – балагъа джандет.
- Тилде сюек болмаса да, сюек сындырыр.
- Чомарт къонакъ юй иесин сыйлар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72