- Эртде тургъан бла эртде юйленнген сокъуранмаз.
- Ауурну тюбю бла, дженгилни башы бла джюрюген.
- Джумушакъ сёз къаты таякъны сындырыр.
- Окъдан джара эртде-кеч болса да бителир, сёз джара, ёмюрге къалыр.
- Аджалсыз ёлюм болмаз.
- Байлыкъ тауусулур, билим тауусулмаз.
- Юй ишлеген балта эшикде къалыр.
- Телиге акъыл салгъандан эсе, ёлгеннге джан салырса.
- Сормай – алма, чакъырылмай – барма.
- Сёз – кюмюш, джыр – алтын.
- Биреу къой излей, биреу той излей.
- Къулакъдан эсе, кёзге ышан.
- Бал чибинни ургъаны – ачы, балы – татлы.
- Бал ашаргъа сюе эсенг, чибин ургъаннга тёз.
- Акъыл сабырлыкъ берир.
- Джарашыу сюйген – джалынчакъ.
- Зарда марда джокъ.
- Окъугъан озар, окъумагъан тозар.
- Джукъу тёшек сайламайды.
- Ауузу аманнга «иги», деме.
- Бал – татлы, балдан да бала – татлы.
- Бет бетге къараса, бет да джерге къарар.
- Юйюнгден чыкъдынг – кюнюнгден чыкъдынг.
- Ичимден чыкъды хата, къайры барайым сата?
- Сёлеш деб шай берген, тохта деб, сом берген.
- Ата – билек, ана – джюрек!
- Ариуну – ауруу кёб.
- Айтылгъан сёз ызына къайтмаз.
- Душманны тышы – акъ, ичи – къара.
- Татлы тилде – сёз ариу, чемер къолда – иш ариу.
- Баланы адам этген анады.
- Дженгил джетерикме деб, узун джолну къоюб, къысхасын барма.
- Ач отунчуну ачыуу – бурнунда.
- Киштикге къанат битсе, чыпчыкъ къалмаз эди.
- Тойгъан антын унутур.
- Малны кют, джерни тюрт.
- Айтылгъан буйрукъ, сёгюлмез
- От этилмеген джерден тютюн чыкъмайды.
- Ариу сёз аурууунгу алыр.
- Къоркъакъны кёзю экили кёрюр.
- Суугъа – чабакъ, къаягъа – ыргъакъ.
- Къыйынлы джети элге оноу этер.
- Тёзгеннге, джабылгъан эшик ачылыр.
- Онгсузну – джакъла, тенгликни – сакъла.
- Ишленмеклик адамлыкъды.
- Ханнга да келеди хариблик.
- Чабакъ башындан чирийди.
- Тилчи тилден къаныкъмаз.
- Айыбны суу бла джууалмазса.
- Тюзлюк шохлукъну бегитир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72