- Нафысынгы айтханын этме, намысынгы айтханын эт.
- Акъыллы эркиши атын махтар, акъылсыз эркиши къатынын махтар.
- Эм ашхы къайын ана мамукъ бла башынгы тешер.
- Ёлген ийнек сютлю болур.
- Ана къойну – балагъа джандет.
- Тил – миллетни джаны.
- Ётюрюкню башын керти кесер.
- Ауузу аманнга «иги», деме.
- Ачлыкъда тары гырджын халыуадан татлы.
- Ауругъаннга – кийик саулукъ, джетген къызгъа – чилле джаулукъ.
- Тилчиден кери бол.
- Аджалсыз ёлюм болмаз.
- Тамырсыз терекге таянма – джыгъылырса.
- Адамны адамлыгъы къыйынлыкъда айгъакъланады.
- Олтуруб кёрюнмей эди да, ёрге туруб кёрюне эди.
- Акъыл аздырмаз, билим тоздурмаз.
- Тас болгъан бычакъны сабы – алтын.
- Арбаз сайлама да, хоншу сайла.
- Ишге юренсин къоллары, халкъ бла болсун джоллары.
- Акъыллы башны – тили къысха.
- Аман адам этегингден тутса, кес да къач.
- Билмезни кёзю кёрмез, этмезни къулагъы эшитмез.
- Ашыкъгъанны этеги бутуна чырмалыр.
- Къарт бла баш аша, джаш бла аякъ аша.
- Адебсиз адам – джюгенсиз ат.
- Мал тутхан – май джалар.
- Айтхан сёзюне табылгъан.
- Уллу къашыкъ эрин джыртар.
- Накъырданы арты керти болур.
- Эллинг бла джау болсанг да, юйюнг бла джау болма.
- Акъыллы айтыр эди, акъылсыз къоймайды.
- Кесинге джетмегенни, кёб сёлешме.
- Бёрю да ач къалмасын, эчки да ашалмасын.
- Ауругъан – джашаудан умутчу.
- Ишни ахырын ойламай, аллын башлама.
- Хар зат кесини орнуна иги.
- Къонакъ хазыр болгъанлыкъгъа, къонакъбай хазыр тюлдю.
- Ашда уялгъан – мухар, ишде уялгъан – хомух.
- Кенгеш болса, уруш болмаз.
- Адамны артындан къара сабан сюрме.
- Окъугъанны бети джарыкъ.
- Ата Джуртуму башы болмасам да, босагъасында ташы болайым.
- Арыгъан къош чамчы болур.
- Ач къарынны, токъ билмез
- Сёз къанатсыз учар.
- Сютню башын джалагъан къутулур, тюбюн ичген тутулур.
- Джолда аягъынга сакъ бол, ушакъда тилинге сакъ бол.
- Аш кетер да бет къалыр.
- Кёзню ачылгъаны – иги, ауузну джабылгъаны – иги.
- Ишин билген, аны сыйын чыгъарады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72