- Туз, гырджын аша, тюзлюк бла джаша.
- Таукелге нюр джауар.
- Ёнгкюч къууана барыр, джылай келир.
- Джаш болсун, къыз болсун, акъылы, саны тюз болсун.
- Ауругъан – джашаудан умутчу.
- Босагъагъа джууукъ орун болса, ашыгъыб тёрге озма.
- Къобан да къуру да къобханлай турмайды, адам да къуру да патчахлай турмайды.
- Урама да – ёледи, сатама да – келеди.
- Сёз къанатсыз учар.
- Къарыусузгъа кюлме, онгсузгъа тийме.
- Мен да «сен», дейме, сен да «кесим», дейсе.
- Ачлыкъда тары гырджын халыуадан татлы.
- Башсыз урчукъ тюзюне айланмаз.
- Аякъларынгы джууургъанынга кёре узат.
- Кийиминг бла танылма, адамлыкъ бла таныл.
- Баш болса, бёрк табылыр.
- Аджал соруб келмез, келсе, къайтыб кетмез.
- Байны оноуу, джарлыгъа джарамаз.
- Акъдан къара болмаз.
- Джарашыу сюйген – джалынчакъ.
- Айтхан сёзюне табылгъан.
- Аш берме да, къаш бер.
- Кёбню кёрген – кёб билир.
- Этек чакъмакълары баш джаргъан, сёлешген сёзлери таш джаргъан.
- Уясында не кёрсе, учханында аны этер.
- Кёзден кетген, кёлден да кетеди.
- Аман адам элни бир-бирине джау этер.
- Рысхысына кёре, джаш ёсер, къышлыгъына кёре, мал ёсер.
- Таш ата билмеген, башына урур.
- Ишни аллы бла къууанма да, арты бла къууан.
- Ханы къызы буюгъа-буюгъа киштик болду.
- Тёгюлген тюгел джыйылмайды.
- Татлы тилде – сёз ариу, чемер къолда – иш ариу.
- Этни бети бла шорпасы.
- Тилде сюек болмаса да, сюек сындырыр.
- Сабий болмагъан джерде, мёлек болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ауругъаннга – кийик саулукъ, джетген къызгъа – чилле джаулукъ.
- Ёмюрлюк шохлукъну джел элтмез.
- Эл тойса, тоймагъан, эл къойса, къоймагъан.
- Тойгъандан сора, ашны сёкме.
- Кюн кёрмеген, кюн кёрсе, кюндюз чыракъ джандырыр.
- Игилик игилик бла сингдирилиучю затды.
- Бозаны арты дауур болур.
- Сыфатында болмагъаны, суратында болмаз.
- Байлыкъ тауусулур, билим тауусулмаз.
- Башы ишлегенни, ауузу да ишлер.
- Ишин билген, аны сыйын чыгъарады.
- Тенгинг джокъ эсе – изле, бар эсе – сакъла!
- Бет бетге къараса, бет да джерге къарар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72